बीड : पती-पत्नी दोघेही पोलिस खात्यात. मात्र कुटुंबातील वाद सार्वजनिक ठिकाणी उघड पडला. झटापटीत खाकी वर्दीतील पतीचे शर्ट फाटल्याने वाद येथील शिवाजीनगर पोलिस ठाण्यात पोहोचला. ही घटना गुरुवारी (ता.सात) जिल्हा न्यायालयाच्या परिसरात घडली. तक्रारीवरुन पत्नीविरोधात सरकारी (Crime In Beed) कामात अडथळा आणल्याचा गुन्हा नोंदविण्यात आला. मिळालेल्या माहितीनुसार, हे दोघे एकाच तुकडीचे आहेत. पती सद्दाम सत्तार शेख हे पिंपळनेर पोलिस ठाण्यात, तर पत्नी मर्जिना शेख या आष्टी पोलिस (Police) ठाण्यात कर्तव्यावर आहे. कौटुंबिक कारणामुळे दोघेही विभक्त राहतात.

शेख हे जिल्हा न्यायालयात आले होते. वाहनतळाजवळ मर्जिना यांनी त्यांच्याशी वाद घातला. त्यानंतर झटापट झाला. यात शेख यांचे शर्ट फाटला. उपस्थित पोलिसांनी वाद मिटवला.