घनसावंगी (जि.जालना) - पोलिसांनी बुधवार (ता.२५) अवैधरित्या देशी दारू विक्री करणार्यासह हातभट्टीचा अड्डा व जुगार अड्ड्यावर कारवाई करुन गुन्हे दाखल करण्यात आले आहे.
घनसावंगी पोलिस ठाण्याचे पोलिस निरीक्षक शिवाजी बंटेवार यांच्या मार्गदर्शनाखाली विविध ठिकाणी छापा टाकून देशी दारु विक्रेता व हातभट्टी तयार करणाऱ्यांवर व जुगार खेळविणाऱ्यांवर कारवाई करुन गुन्हे दाखल करण्यात आले. यात घनसावंगी येथे बजाज कॉम्प्लेक्स परिसरात २ हजार ४०० रुपये किमतीच्या ४८ देशी दारूच्या बाटल्या जप्त करीत संशयित भाऊसाहेब कराळे (रा. बदनापूर हल्ली मुक्काम बजाज कॉम्प्लेक्स) याच्याविरोधात गुन्हा दाखल करण्यात आला.
हेही वाचा : जालन्याच्या इतिहासात प्रथमच स्टील उद्योग बंद
घोन्सी बुद्रुक (ता.घनसावंगी) येथे हातभट्टी तयार करण्याचे रसायन व इतर साहित्य असे ४ हजार १०० रुपयाची किमतीचे साहित्य जप्त करण्यात आले, यात एका महिलेविरूद्ध कारवाई करण्यात आली. तसेच घोन्सी बुद्रुक येथे एका पत्र्याच्या शेडमध्ये १ हजार २५० रुपये किमतीची २४ देशी दारूच्या बाटल्या जप्त करण्यात आल्या. या प्रकरणी संशयित अशोक भाऊसाहेब हर्ष (रा. कुंभार पिंपळगाव) याच्याविरोधात गुन्हा दाखल करण्यात आला.
हेही वाचा : जालना जिल्ह्यात ३२ चेकपोस्ट
पानेवाडी येथील एका जुगार अड्डयावर छापा टाकून अठराशे रुपये किमंतीचा ऐवज जप्त करण्यात आला. याप्रकरणी संशयित दामोदर शिंदे, राजाराम रामभाऊ माळवदे, सय्यद बुराण सय्यद अब्दुल , संजय शामसुंदर सोलाट यांच्या विरोधात गुन्हा दाखल करण्यात आला, अशी माहिती पोलिसांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.