बीड: घर बांधण्यासाठी माहेरातून पैसे घेऊन ये म्हणून गर्भपातासाठी दबाव आणल्याने आठ महिन्यांपूर्वीच लग्न झालेल्या विवाहितेने विष प्राशन करुन आत्महत्या केल्याची घटना शेकटा (ता. गेवराई) येथे समोर आली. मोनिका भिमाशंकर भारती (वय २२) असे आत्महत्या केलेल्या विवाहितेचे नाव आहे.
या प्रकरणी पती भिमाशंकर भारती, दीर राहुल भारती, जाऊ मिनाक्षी भारती आणि सासू संजीवनी भारती यांच्या विरोधात मोनिकाचे वडील दत्ता गिरी यांच्या फिर्यादीवरून गेवराई पोलिस ठाण्यात गुन्हा नोंद झाला. मोनिकाचा विवाह आठ महिन्यांपूर्वी शेकटा येथील भिमाशंकर नारायण भारती याच्यासोबत झाला. ती गर्भवती होती. लग्नानंतर पाच महिन्यांनी घर बांधण्यासाठी माहेरातून पैसे घेऊन ये म्हणून मोनिकाचा छळ करण्यात येऊ लागला.
उपाशी ठेवून मारहाण करणे, गर्भपातासाठी दबाव टाकणे असे प्रकार तिच्यासोबत केले जात होते. या छळाला कंटाळून मोनिकाने रविवारी (ता. २५) विष प्राशन केले. यातच तिचा मृत्यू झाला. वडील दत्ता गिरी यांच्या फिर्यादीवरून वरील चौघांविरुद्ध गेवराई पोलिस ठाण्यात गुन्हा नोंद करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.