सेलू - दुचाकीवरून शेतात जाणा-या शेतकर्‍याला पोलीस असल्याची बतावणी करून त्याच्या बोटातील एक सोन्याची अंगठी  चार भामटय़ांनी पळविल्याची घटना शनिवारी (ता. ०४) रोजी सकाळी साडे नऊ वाजता घडली.

सेलू येथील श्रीकिशन गोपूलाल कर्वा हे नेहम प्रमाणे तालुक्यातील सिध्दनाथ बोरगाव येथील आपल्या शेतात दुचाकीवरून जात होते. सेलू ते रवळगाव दरम्यान रस्त्यावर चार जणांनी त्यांची दुचाकी अडवून आम्ही पोलीस आहोत. गाडी बाजूला घे तु गांजा घेऊन जात आहेस का? तुझी झडती घ्याची आहे. अशी बतावणी करून श्री. कर्वा यांच्या हातातील सोन्याची ०६ ग्राम वजनाची जवळपास ३० हजार रूपये किंमतीची अंगठी काढून घेतली. चारही भामटे पाथरीच्या दिशेने पसार झाले. याप्रकरणी सेलू पोलीसात गुन्हा दाखल करण्याची प्रक्रिया शनिवारी उशीरापर्यंत सुरू होती.