नांदेड : कंधार शहरात सुरू असलेल्या मटका अड्ड्यांवर छापा टाकून दहा जुगाऱ्यांना अटक करून त्यांच्याकडून ४० हजार रुपयाचा ऐवज जप्त केला. ही कारवाई नांदेड परिक्षेत्राचे विशेष पोलिस महानिरीक्षक यांच्या विशेष पथकाने सोमवारी (ता. १३) जानेवारी रोजी केली. या कारवाईमुळे कंधार पोलिसांचे धाबे दणाणले आहे.
कंधारमध्ये विविध भागात मटका, जुगार आदी अवैध धंद्यांनी डोके वर काढले. स्थानिक पोलिस या मटका, जुगार या धंद्याकडे मुद्दामहून दुर्लक्ष करीत असल्याने या भागात पोलिसांची प्रतिमा मलीन होत आहे. मटका या जुगाराचा सुळसुळाट झाल्याने शेवटी विशेष पोलिस महानिरीक्षक मनोज लोहिया यांनी आपले पथक पाठविले. या पथकाने कंधार शहरात सापळा लावून सोमवारी (ता. १४) दुपारी एक ते दोनच्या सुमारास एकाच वेळी तीन मटका अड्ड्यांवर कारवाई केली.
कंधारमध्ये तिन ठिकाणी छापा
यावेळी पथकानी पहिली कारवाई कंधार शहराच्या जमजम हॉटेलच्या परिसरात असलेल्या एका टीनपत्र्याच्या शेडमध्ये, दुसरी कारवाई जामा मशीद गांधी चौक परिसर आणि भाजी मार्केट परिसरात तिसरी कारवाई केली. या कारवाईमध्ये दहा जुगाऱ्यांना अटक केली. त्यांच्याकडून रोख ४० हजार रुपयाचा ऐवज व मटका जुगाराचे साहित्य जप्त केला. या प्रकरणी पोलिस हवालदार परमेश्‍वर श्रीमंगले, विनायक किर्तने आणि प्रमोद जाधव यांच्या फिर्यादीवरून कंधार पोलिस ठाण्यात गुन्हा दाखल करण्यात आला आहे. तपास पोलिस हवालदार श्री. गणाचार्य करीत आहेत.
हे आहेत मटका जुगारी :
गिरीष देविदास फुलपगार, शेख नईम, शेक रशीद अब्दुला, रफीक शेख महेमुद, शेख रफीक, शेख मकसुद, शेख नईम, महमद नईमोद्दीन महमद नजिरोद्दीन, महमद साजीद महमद ईस्माईल, बालाजी पांडूरंग पाटळकर आणि शेख नईम यांचा सहभाग आहे.
कंधार पोलिस अंधारात :
कंधार शहर परिसरात अवैध धंदे जोमात सुरू आहेत. या अवैध धंद्याला स्थानिक पोलिसांचा मुक पाठिंबा असल्याचे बोलल्या जात होते. कंधारमध्ये असलेल्या ऐतिहासीक किल्‍ला व दर्ग्याला भेट देणाऱ्यांची संख्या मोठी आहे. रस्त्यावरच मटका, जुगाराचे अड्डे सुरू असल्याने बाहेरगावाहून आलेल्या भाविकांना चांगलाच फटका बसत आहे. हा होणारा त्रास विशेष पोलिस महानिरिक्षक यांच्या कानावर आला. त्यांनी कंधार पोलिसांना अंधारात ठेवून आपल्या पथकामार्फत कारवाई केली. यामुळे कंधार पोलिसांचे धाबे दणाणले आहे. असाच प्रकार लोहा शहरात मागील काही दिवसांपासून सुरू होता. तेथेही कारवाई करून पोलिस निरीक्षकांची उचलबांगडी केली होती. तोच कित्ता येथेही आयजी गिरवणार असल्याने पोलिस दलात खळबळ उडाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.