किल्लेधारूर (जि. बीड) - कोरोना विषाणूचा संसर्ग होऊ नये म्हणून प्रशासन सर्वतोपरी प्रयत्न करत आहे. संपर्क टाळला जावा या हेतूने प्रशासनाने संपूर्ण देश लॉकडाऊन केला आहे. कोरोना आपल्या गावात पसरू नये, यासाठी तालुक्यातील आवरगाव, देवठाणासह काही गावांनी रस्ते बंद केले आहेत. त्याच धर्तीवर शहरातील दुधियापुरा, वडगावकर गल्ली, मठगल्ली, संभाजीनगर (झोपडपट्टी) भागातील जागरूक नागरिकांनी रविवारी (ता. २९) लॉकडाऊन केल्याचे चित्र निर्माण झाले.
ग्रामीण भागातील नागरिकांना विदेशासह पुण्या-मुंबईसह परराज्यांतून आलेल्या नागरिकांची भीती वाटते. यासाठी त्यांनी तपासणी करूनच गावात प्रवेश करावा, अशी त्यांची मागणी असते. त्याचप्रमाणे बाहेरच्या व्यक्तीचा संपर्क होऊन महामारी पसरू नये, या हेतूने शहरातील काही सुजाण नागरिक आपली राहती वस्ती, गल्ली लॉक करत आहेत.
आतील लोकांनी बाहेर जायचे नाही, बाहेरील व्यक्तीला आत घ्यायचे नाही, असे नागरिकांनी ठरवले आहे. संभाजीनगर ग्रामपंचायत सदस्य चंद्रकांत भांगे, कैलास बोरगावकर, राजेश सोनवणे, बालाजी गायकवाड, महादेव गायकवाड, बापू वराडे यांनी वस्ती, गल्ली रस्त्यावर कुपाट्या टाकून प्रवेश बंद केला आहे. यासंदर्भात नागनाथ सोनटक्के म्हणाले, आमच्या भागात येणाऱ्यांनी सुरक्षित अंतर ठेवून राहावे. परगावाहून येणाऱ्यांनी तपासणी करून यावे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.