गंगापूर, (जि. औरंगाबाद)  : औरंगाबाद-पुणे महामार्गावर मध्यरात्री दीडच्या सुमारास दरोडेखोर व पोलिस यांच्यात चकमक होऊन पोलिसांनी हवेत गोळीबार केला. यात एका दरोडेखोराला पकडण्यात पोलिसांना यश आले आहे. दरोडेखोरांच्या दगडफेकीत पोलीस निरीक्षक मच्छिंद्र सुरवसे जखमी झाले आहेत. महिनाभरातील ही दुसरी घटना असून भेंडाळा (ता. गंगापूर) शिवारात शनिवारी (ता. एक) ही कारवाई करण्यात आली.

हेही वाचा- रिव्हाॅल्वर रोखून भरदिवसा व्यवसायिकाचा खून

याविषयी अधिक माहिती अशी की, येथील पोलीस ठाण्याचे निरीक्षक सुरवसे यांना पाच चोरटे दरोड्याच्या तयारी करत असून घातक शस्त्रासह फिरत असल्याची माहिती मिळाली. यावेळी पोलीस निरीक्षक सुरवसे यांच्या पथकाने तीन वेगवेगळ्या मार्गाने महामार्गाकडे धाव घेतली. दरोडेखोर अंतापूर शिवारात पळून जात असताना यातील एका आरोपीला पोलिसांनी शिताफीने पकडले. पकडलेल्या आरोपीला सोडण्यासाठी साथीदार दरोडेखोरांनी अंधाराचा फायदा घेऊन पोलिसावर दगडफेक सुरु केली. यात पोलीस निरीक्षक सुरवसे यांच्या पायाला व छातीला दगड लागल्याने जखमी झाले. पोलीस निरीक्षक सुरवसे यांनी हवेत गोळीबार केला. आरोपी फायरच्या आवाजाने पळून गेले.

क्लिक करा-  बॅंकांच्या संपामुळे औरंगाबादेत इतके कोटींचे व्यवहार ठप्प

हे आहेत आरोपी

आरोपी अमोल सोपान पिंपळे (वय : १९) , आदित्य शामराव पवार (गुरुधानोरा ता. गंगापूर),दादा  गोविंद साळुंके (रा. खोकर), साजन पवार (टाकळीबाण. ता. श्रीरामपूर) सागर यांचा समावेश असून, त्यांच्याकडे पल्सर (काळा रंग), दोरी व सत्तूर आढळून आल्याची माहिती पोलिसांनी दिली.

महिन्यातील दुसरी घटना

तीन डिसेंबरच्या मध्यरात्री औरंगाबाद-पुणे महामार्गावरुन जात असताना कळमी पुलावर अज्ञात पाच दरोडेखोरांनी एक कार अडवून कोयत्याने मारहाण केल्याची घटना घडली होती. पोलीस निरीक्षक सुरवसे यांनी धडक कारवाई करत आरोपीला अटक केली.

हे वाचलंत का? - दुसऱ्यांपुढे हात पसरण्यात हरवतेय बालपण