1band_18 
मराठवाडा

सुपारी वीस हजाराची अन् दंड अकरा हजाराचा, आरटीओचा बॅण्ड पथकाच्या पोटावर पाय

हरी तुगावकर

लातूर : येथील आरटीओ कार्यालयाच्या पथकाने गेल्या काही दिवसापासून वसुली मोहिमच सुरु केली आहे. यात शेतकरी तसेच गरीब वाहनधारकांना लक्ष्य केले जात आहे. हजारोचा दंड आकारून एक प्रकारे त्यांची लूटच केली जात आहे. लातूरमध्ये एका लग्नाची वीस हजार रुपयांची सुपारी घेतलेल्या एका बॅण्ड पथकाला या पथकाने अकरा हजार रुपयांचा दंड आकारला आहे. या पथकाकडून दंड तर आकारले जातच आहेत, पण वाहने देखील अडवून ठेवण्याचे प्रकार होत आहेत. कोरोनामुळे मार्चपासून लॉकडाऊन होते. त्यामुळे आरटीओ कार्यालयाची झोळी रिकामीच राहिली होती. गेल्या एक दोन महिन्यापासून सर्वच व्यवहार सुरळीत होवू लागले आहेत.

कोरोनामुळे आर्थिक संकटाशी सामना करत असलेले सर्वच घटक उभारण्याचा प्रयत्न करीत आहेत. लहान लहान व्यवसायिक तर अजूनही आर्थिक संकटाशी सामना करीत आहेत. असे असताना आरटीओचे पथक मात्र वसुलीच्या मागे लागले आहे. गेल्या काही दिवसापासून शहराच्या बाहेर प्रमुख रस्त्यावर हे पथक उभारत आहेत. आपल्या नेहमीच्या ग्राहकांना सोडून देवून लहान लहान वाहनधारकांना लक्ष्य केले जात आहे. वाहने अडवली जात आहेत. अगोदर बोलणी झाल्यानंतर त्यात काही हाती आले नाही तर मात्र परवाना, विमा, अतिभारमान, पीयूसी प्रमाणपत्र नसणे अशा अनेक प्रकारचा दंड आकारला जात आहे.

दोन दिवसापूर्वी तर एक बॅण्ड पथकावरच या पथकाने कारवाई केली आहे. कोरोनामुळे आधीच बॅण्डवाल्यांचा व्यवसायच बसला आहे. स्वतःचा आणि कुटुंबाचा उदरनिर्वाह करणे या बॅण्डवाल्यांना महाग झाले होते. सध्या लग्नसराईचे दिवस आहेत. हाती काही तरी पडेल या आशेने हे बॅण्डवाले वणवण फिरत आहेत. अशाच एका बॅण्डपथकाने एका लग्नाची वीस हजार रुपयाची सुपारी घेतली होती. या बॅण्डवाल्याच्या वाहनावर आरटीओच्या पथकाची नजर गेली. वेगवेगळ्या प्रकारे ११ हजार रुपयाचा दंड या वाहनाला आकारण्यात आला. त्यांचे वाहनही सोडले नाही. एक प्रकारे बॅण्डवाल्यांच्या पोटावर या पथकाने पाय देण्याचाच प्रयत्न केला आहे. शहरात मोठ्या फॅक्टरी, कारखाने, कंपन्या आहेत. त्यांची वाहने राजरोसपणे सोडून देवून हे पथक मात्र गरीबांच्या वाहनावर धाडी घालत आहे. याकडे वरिष्ठांनी लक्ष देण्याची गरज आहे.

Edited - Ganesh Pitekar

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Abu Azmi Vs MNS : Video - ‘’रिक्षावाले, फेरीवाल्यांना काय मारता, मारायचंच आहे ना, तर..’’ ; अबू आझमींनी ‘मनसे’ला ललकारलं!

IND vs ENG 2nd Test: शुभमनच्या २६९ धावा अन् नंतर आकाश दीपचा भेदक मारा! इंग्लंडच्या संघाची घरच्या मैदानावर झालीय वाईट अवस्था

IND vs ENG 2nd Test : शुभमन गिल OUT होताच इंग्लंडच्या चाहत्यांनी काय केलं? विश्वास बसणार नाही, Video Viral

Chicago Firing: रेस्टॉरंटबाहेर बेछूट गोळीबार; ४ जणांचा मृत्यू, १४ जण जखमी, घटनेचा थरारक व्हिडिओ व्हायरल

Nitin Gadkari flight emergency landing : मोठी बातमी! आता नितीन गडकरींच्या विमानाचे झाले इमर्जन्सी लँडिंग; जाणून घ्या, नेमकं काय घडलं...?

SCROLL FOR NEXT