नांदेड : कोरोना या जीवघेण्या विषाणूचा प्रसार रोखण्यासाठी दक्षिण मध्य रेल्वेने काही गाड्या रद्द करण्याचा निर्णय घेतला आहे. त्यामुळे महत्वाच्या चार रेल्वेगाड्या रद्द तर दोन अंशत:  रद्द करण्यात आल्याची माहिती दक्षिण मध्य रेल्वेच्या नांदेड विभागाकडून दिलेल्या प्रसिद्धीपत्रानुसार देण्यात आली आहे. 

रद्द करण्यात आलेल्या गाड्या पुढीलप्रमाणे 
 
ँ गाडी क्रमांक १७६२ नांदेड ते औरंगाबाद ता. २० मार्च ते २७ मार्च.
ँ गाडी क्रमांक १७६१९ औरंगाबाद ते नांदेड ता. २३ मार्च ते ३० मार्च.
ँ गाडी क्रमांक १७६२१ औरंगाबाद ते रेणीगुंठा ता. २० मार्च ते २७ मार्च. 
ँ गाडी क्रमांक १७६२२ रेणीगुंठा ते औरंगाबाद ता. २१ मार्च ते २८ मार्च. 

तर अंशत: रद्द केलेल्या गाड्या

ँ गाडी क्रमांक ५१४३३ निझामबाद ते पंढरपूर ता. एक एप्रील ते ३० एप्रील या काळात निझामाबाद ते नांदेड.
ँ गाडी क्रमांक ५१४३४ पंढरपूर ते निझामाबाद ता. एक एप्रील ते ३० एप्रील नांदेड ते निझामाबाद.

हेही वाचा -  कुपोषणमुक्ती पॅटर्नवरही पडली कोरोनाची वक्रदृष्टी- कुठे ते वाचा

फुकट्यांविरुद्ध खंडणीचा गुन्हा 

नांदेड : बीअरबारमधून फुकट दारु व दरमहा पाच हजाराची खंडणी मागणाऱ्या दोघांविरुद्ध नांदेड ग्रामिण पोलिस ठाण्यात खंडणीचा व भारतीय हत्यार कायद्याप्रमाणे गुन्हा दाखल करण्यात आला आहे. 

सरसम (ता. हिमायतनगर) येथील व ह. मु. सुमन हाईट्स, फरांदेनगर येथे राहणारे श्‍याम श्रीधरराव देशमुख हे अंगेठी बीअरबार चालवतात. त्यांच्या हॉटेलमध्ये सल्लु भाटीया रा. कौठा आणि सिद्धेश्‍वर उर्फ सिद्धु काळे रा. रवीनगर कौठा या दोघांनी संगनमत करुन अंगेठी बारमध्ये जावून तलवारीचा धाक दाखवून वेळोवेळी फुकट दारु घेऊन गेले. पुन्हा तीन बीअरच्या बाटल्या घेऊन निघून जात असतांना हॉटेल चालक श्री. देशमुख यांनी त्यांना पैशाची मागणी केली. यावेळी या दोघांनी त्यांना तलवारीचा धाक दाखवून आम्हाला फुकट दारु व दरमहा पाच हजार रुपये खंडणी द्यावी लागे असा दम भरला. यावरुन श्‍याम देशमुख यांनी नांदेड ग्रामिण पोलिस ठाण्यात दिलेल्या तक्रारीवरून वरील दोघांवर खंडणीचा गुन्हा दाकल करण्यात आला आहे. तपास फौजदार शेख जावेद करत आहेत.