उदगीर - राज्यमंत्री संजय बनसोडे (Sanjay Bansode) यांनी काँग्रेसला (Congress) अजून एक धक्का दिला. त्यांच्या नेतृत्वात काँग्रेसचे माजी नगराध्यक्ष रामकिशन सोनकांबळे, मादलापूरचे सरपंच उदय मुंडकर, माजी नगरसेवक विजयकुमार चवळे, शिवकुमार कांबळे यांच्यासह अनेकांनी राष्ट्रवादी काँग्रेसमध्ये प्रवेश केला. नगरपालिका निवडणुकीच्या पार्श्वभूमीवर राष्ट्रवादी काँग्रेसला (NCP) भक्कम करण्यासाठी आखण्यात आलेल्या रणनीतीला यश मिळत असल्याचे दिसून येत आहे.

राज्यमंत्री बनसोडे यांनी राष्ट्रवादी काँग्रेसचे प्रदेश सरचिटणीस बसवराज पाटील नागराळकर, पंचायत समिती सभापती शिवाजी मुळे, अनेक वरिष्ठ नेते व कार्यकर्त्यांच्या उपस्थितीत रामकिशन सोनकांबळे (माजी तालुकाध्यक्ष काँग्रेस कमिटी उदगीर), उदयसिंह मुंडकर (सरपंच, मादलापूर), विजयकुमार चवळे (माजी तालुकाध्यक्ष युवक काँग्रेस उदगीर), शिवकुमार कांबळे (महाराष्ट्र उपाध्यक्ष भीमशक्ती संघटना), शिवानंद तोडकर (माजी संचालक बाजार समिती, उदगीर), बबलू शेल्हाळकर (माजी अध्यक्ष विद्यार्थी नॅशनलसिस्ट काँग्रेस कमिटी), अमोल बस्वराज बिरादार (तोंडार), अरविंद कांबळे (तालुकाध्यक्ष भीमशक्ती संघटना उदगीर), अनिल कुसाळे (शहराध्यक्ष ओबीसी सेल काँग्रेस), प्रदीप सावरे (तालुकाध्यक्ष युवा मोर्चा भीमशक्ती उदगीर), संघर्ष कांबळे (युवा शहराध्यक्ष भीमशक्ती संघटना), कृष्णा पवार (उपाध्यक्ष मनसे उदगीर), अलीम शेख (कार्याध्यक्ष भीम शक्ती संघटना), अमित कांबळे (शहर सचिव भीमशक्ती संघटना), शिवा देशमुख, इक्बाल शेख (ग्रामपंचायत सदस्य, लोणी), अमोल भवाळ (उपाध्यक्ष शिवसेना, उदगीर), शिवाजी कांबळे विकास गायकवाड, दीपक भोसले यांच्यासह असंख्य कार्यकर्त्यांना राष्ट्रवादी काँग्रेसमध्ये प्रवेश देण्यात आला.