बीड : बारावीच्या परीक्षेला आजपासून सुरवात झाली आणि कॉपीबहाद्दरांच्या एकेक सुरस कथा समोर येऊ लागल्या. पण या गोंधळात बीड तालुक्यातल्या एका परीक्षा केंद्रावर विद्यार्थ्यांना चक्क जमिनीवर बसून पेपर सोडवावा लागल्याचे उघड झाले आहे.
बीड तालुक्यातील रायमोहा गावात असलेल्या अतुल कला व वाणिज्य महाविद्यालयात बारावीचे परीक्षा केंद्र आहे. पण या ठिकाणी केंद्र देताना येथील भौतिक सुविधांच्या नावाने असलेली बोंब परीक्षा मंडळाने ध्यानात घेतली नव्हती काय, असा सवाल केला जात आहे. इथे विद्यार्थ्यांना जमिनीवर बसून पेपर सोडवावा लागला. विशेष म्हणजे, या ठिकाणी साधी फरशीही लावलेली नव्हती. यामुळे विद्यार्थी आणि पालकांनी संताप व्यक्त केला आहे.
महाराष्ट्र राज्य माध्यमिक व उच्च माध्यमिक शिक्षण मंडळातर्फे बारावीच्या परीक्षेला आजपासून (ता. 18) सुरवात झाली. 18 फेब्रुवारी ते 18 मार्च 2020 या कालावधीत बारावीच्या परीक्षा होणार आहेत. औरंगाबाद विभागातील बीड, जालना, परभणी, हिंगोली या पाच जिल्ह्यांतून 406 केंद्रांवर घेण्यात येणाऱ्या परीक्षेसाठी एक लाख 71 हजार 959 विद्यार्थी परीक्षेला बसले आहेत.
केंद्रावर मोबाईल बंदी
व्हॉट्सऍपवरून प्रश्नपत्रिका फुटण्याची शक्यता असते. यावर प्रतिबंध आणण्यासाठी विद्यार्थ्यांना कोणतीही इलेक्ट्रॉनिक साधने व साधा किंवा स्मार्टफोन घेऊन जाण्यास बंदी आहे. तसेच परीक्षा केंद्रांवर पर्यवेक्षकांसह केंद्र संचालक, परीक्षक यांना परीक्षाकाळात मोबाईल वापरण्यास बंदी आहे. या सर्वांचे मोबाईल जमा करून एका ठिकाणी ठेवले जाणार आहेत. याबाबत परीक्षा केंद्र चालकांना सक्त सूचना दिल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.