परळी (बीड) : घराजवळ राहणाऱ्या तरूणाकडून सतत होणाऱ्या छेडछाडीला कंटाळून सतरा वर्षीय अल्पवयीन मुलीने गळफास लाऊन आत्महत्या केल्याची घटना बुधवारी (ता. १८) सायंकाळी शहरातील सावतामाळी नगर येथे उघडकीस आली. याप्रकरणी त्या रोडरोमिओवर विनयभंग करून आत्महत्येस प्रवृत्त केल्याचा गुन्हा नोंदविण्यात आला.
सावतामाळी नगर भागातील या अल्पवयीन मुलीच्या घराजवळ राहणारा मंगेश भास्करराव कोपनबैने (वय २९) हा तरूण तिला मागील वर्षभरापासून सतत त्रास देत होता. मंगेश नेहमी तिचा पाठलाग करून बोलण्यासाठी आग्रह धरत असे आणि मोबाईल नंबर मागून तिची छेड काढत होता.
हा सततच्या त्रास असह्य झाल्याने अंजलीने अखेर बुधवारी सायंकाळी राहत्या घरी पंख्याला गळफास घेऊन आत्महत्या केली असे तिचे वडील केशव रंगनाथ नागरगोजे यांनी दिलेल्या फिर्यादीत नमूद केले आहे. सदर फिर्यादीवरून मंगेश कोपनबैने याच्यावर संभाजीनगर पोलीस ठाण्यात कलम मृत्यूस कारणीभूत ठरल्यासह विनयभंग व पोस्को पोक्सो कायद्यान्वये गुन्हा दाखल करण्यात असून त्याला अटक करण्यात आली आहे. पुढील तपास फौजदार सी. एच. मेंडके करत आहेत.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.