नांदेड : नववर्षाच्या स्वागतासाठी तरुणाई सज्ज झाला आहे. ओल्या पार्ट्या व डीजेवर नाचत दारुची झिंग चढवून बेदरकारपणे वाहन चालवून स्वत: ला किंवा दुसऱ्याला धोका पोहचेल, तसेच कायदा व सुव्यवस्था बाधीत करणाऱ्यांवर पोलिसांची करडी नजर राहणार आहे. वेडीवाकडी वाहन चालवितांना सापडले गेल्यास आपला मुक्काम रात्रभर पोलिस ठाण्यातच राहणार असून नविन वर्षाचे जल्लोषात स्वागत करताना आपला होश गमावून बसु नका असे आवाहन अतिरिक्त पोलिस अधिक्षक दत्ताराम राठोड यांनी केले आहे. 

नांदेड जिल्हा हा संवेदनशिल जिल्हा म्हणून पोलिस दप्तरी नोंद आहे. त्यामुळे कुठलाही बंदोबस्त पोलिस विभाग सहज घेत नाही. रस्त्यावर उतरतांना ते सर्व तयारीनीशी उतरतात. कायदा व सुव्यवस्था बाधीत होऊ नये यासाठी कोणतीही जोखीम न पत्करता शहर व जिल्ह्यात कडक बंदोबस्त लावण्यात आला आहे. दारु पिऊन वाहन चालवितांना वाहुतुक शाखेला जर आपण आढळला तर आपल्यावर नुसती दंडात्मक कारवाई करून सोडल्या जाणार नाही तर त्या दिवशीचा मुक्काम पोलिस ठाण्यात राहणार आहे. ‘थर्टी फर्स्ट सेलेब्रेशन’ ची तयारी करण्यापूर्वी पोलिसांचा आक्रमक पावित्रा लक्षात घेणे आवश्‍यक आहे. 

 हेही वाचा ---गोवानिर्मीत दारु जप्त, राज्य उत्पादन शुल्क

स्टंटबाजावर होणार कारवाई :

नविन वर्षाचे स्वागत जल्लोषात करा, मात्र कायदा व सुव्यवस्था बाधीत होणार नाही याची काळजी घ्या. तसेच दुचाकीवरून शहरात स्टंटबाजी करणाऱ्यांना पोलिसांचा प्रसाद मिळण्याची शक्यता नाकारता येत नसल्याने त्यांनी असा प्रकार करु नये. दंड आकारून आपणास सोडले जाणार नसून रात्र ठाण्यात काढावी लागणार आहे. 

धाबे, हॉटेल व बारवर आहे लक्ष :

शहर व परिसरातील जवळपास १०० धाबे, हॉटेल व बारवर पोलिसांचे बारीक लक्ष आहे. ज्या हॉटेलवर डीजे लावून झिंग चढलेले तरूण सापडतील तर संबंधीत हॉटेलचालकासह त्यांच्यावर कारवाई करण्यात येणार आहे. याची दखल सर्व धाबे व बार, व हॉटेल चालकांनी घ्यावी असे आवाहन पोलिसांनी केले आहे. 

येथे क्लीक करा ---तामशाच्या ‘गोदावरी’ची अशीही शेती : कशी ते वाचा

पुढच्या वर्षापासून बंद :

नविन वर्षाला निरोप देतांना अनेक तळीराम पुढच्या वर्षापासून बंद म्हणून एका मागोमाग एक पेग घेतात. त्यानंतर झींग चढताच आपल्या वाहनावर सुसाट वेगाने निघतात. त्यामुळे अपघात होण्याची शक्यता नाकारता येत नाही. त्यामुळे सर्वांनी शुद्धीमध्ये आपल्या परिवारात जावे असे आवाहन करण्यात आले.