नांदेड : शेजाऱ्याच्या मदतीने ओळख पाडून विश्‍वासात घेऊन एका महिलेला सोन्याचे बनावट शिक्के देऊन ६० हजाराची फसवणुक करणाऱ्या चार जणांविरुद्ध माहूर पोलिस ठाण्यात फसवणुकीचा गुन्हा दाखल करण्यात आला आहे. हा प्रकार सोमवारी (ता. १७) रोजी सायंकाळी एसबीआय बँंक शाखा, माहूर समोर घडली. 

पाचोंदा (वानोळा) ता. माहूर येथील महिला संगिता शेषराव तोडकर (वय ४५) यांच्यासोबत बनावट सोन्याचे शिक्के देणाऱ्यापैकी एकाची ओळख होती. त्याच्या माध्यमातून टोळीने एकमेकांत विश्‍वास निर्माण केल्याने त्यांनी श्रीमती तोडकर यांना आमच्याकडे सोन्याचे शिक्के आहेत. व ते आम्हाला विकायचे आहेत. आपली ओळख झाल्याने आम्ही ते शिक्के तुम्हाला कमी पैशात देतो असे आमिष दाखविले. त्यासाठी श्रीमती तोडकर यांच्याकडून त्यांनी ६० हजार रुपये घेऊन बनावट ११ शिक्के दिले. 

हेही वाचा - सोशल मिडीयावर पेपर केंद्रसंचालक, पर्यवेक्षकावर गुन्हा दाखल

बनावट शिक्के असल्याचे पुढे आले

दोन दिवसांनी त्यातील एक शिक्का घेऊन ती महिला आपल्या ओळखीच्या सराफाकडे गेली. यावेळी ते शिक्के बनावट असल्याचे सराफाने सांगितले. आपली फसगत झाली की काय म्हणून त्यांनी परत जावून शिक्के देणाऱ्यांना जावुन पाहिले तर हे चारही भामटे तेथून पसार झालेले दिसले. त्यांनी बुधवारी (ता. १९) माहूर पोलिस ठाणे गाठून घडलेल्या प्रकरणाची फिर्याद दिली. त्यांच्या फिर्यादीवरुन लक्ष्मण तुळशीराम देवकर, गजानन लक्ष्मण देवकर आणि इतर दोन अशा चार जणांवर संगनमताने फसवणुक केली म्हणून गुन्हा दाखल करण्यात आला आहे. तपास फौजदार शरद घोडके करत आहेत.  

येथे क्लिक करा - नांदेडची ही’ बँक मराठवाड्यात अव्वल...कोणती ते वाचा...

पोलिसांचे नागरिकांना आवाहन

कमी किंमतीत सोने किंवा दामदुप्पट देणारी टोळी मागील काही दिवसांपासून नांदेड जिल्ह्यात फसवणुक करीत आहेत. अशा आमिष दाखविण्याऱ्या लोकांपासून नागरिकांनी सावध रहावे. तसेच अशा लोकांबद्दल काही संशय आल्यास जवळच्या पोलिस ठाण्यात कळवावे असे आवाहन फौजदार शरद घोडके करत आहेत. या प्रकरणातील चारही आरोपी फरार असून त्यांना पकडण्यासाठी पोलिस निरीक्षक लक्ष्मण राख यांच्या मार्गदर्शनाखाली आम्ही प्रयत्न करत असल्याचे फौजदार शरद घोडके यांनी सांगितले.