हिंगोली : शेतकऱ्यांना (Farmers) शेतातील नुकसान भरपाईचा सरसकट विमा पिक विमा मेळावा यासाठी कामठा (Kamatha) फाटा येथे शुक्रवारी रास्तारोको करण्यात आला. कृषी अधिकारी यांच्या लेखी पत्र आल्यानंतर शेतकऱ्यांनी रास्ता रोको मागे घेतला आहे.

कळमनुरी तालुक्यातील अनेक शेतकऱ्यांना पिक विमा मिळाला नव्हता सरसकट पिक विमा मेळावा यासाठी शुक्रवार कामठा फाटा येथे शेतकऱ्यांच्या वतीने प्रशासनाच्या विरोधात रास्ता रोको केला होता या रस्ता रोको मध्ये तालुक्यातील मोठ्या प्रमाणात शेतकरी जमा होऊन ठीक ठिकाणी वाहनांची रांगा लागल्या होत्या. तब्बल दीड तास रास्ता रोको केल्यानंतर उपविभागीय कृषी अधिकारी बी. एच. कच्छवे यांनी शेतकऱ्यांना पिक विमा योजना माहिती दिली परंतु शेतकऱ्यांनी लेखी द्यावे या मागणीवर ठाम बसल्याने शेवटी जिल्हा उपविभागीय कृषी अधिकारी श्री कच्छवे यांना शेतकऱ्यांना सरसगट विमा पिक विमा मिळवून देण्यासाठी जिल्हाधिकारी यांच्या अध्यक्षतेखाली बैठक घेऊन देण्यात येईल असे लेखी आश्वासन दिल्यानंतर शेतकऱ्यांनी रास्ता रोको मागे घेतला.

यावेळी माजी आमदार गजानन घुगे, विनायक भिसे रावसाहेब अडकिने, पराग आडकिने, अभिजीत देशमुख, विजय गावंडे , भरत देसाई ,गजानन देशमुख, बाळू पाटील कल्याणकर ,साजीद पठाण, सुरेश नागरे, सुशील बोंढारे सोपान पाटील बोंढारे ,सोनू पाटील वाघमारे ,नितीन कदम कालिदास पांडे, नाना शिरसागर, तालुका कृषी अधिकारी गजानन पवार मंडळ अधिकारी आनंदराव सुळे, तलाठी श्री. मोरे यांच्या सह परिसरातील शेतकरी मोठ्या संख्येने उपस्थित होते. यावेळी रास्ता रोको चे संयोजक अक्षय देशमुख यांनी शेतकऱ्या बाबत सविस्तर विषय मांडून प्रशासनाच्या पिक विमा बाबत उदासीनता सांगून नाराजी व्यक्त केली.

यावेळी सहाय्यक पोलीस निरीक्षक पंढरीनाथ बदनापोड फौजदार अच्युत मुपडे, जमादार सुरेश नागरे, संजय मार्के ,पंढरी चव्हाण, यासह पोलीस बंदोबस्त तयार करण्यात आला होता.