तुळजापूर (जि.उस्मानाबाद) : तुळजाभवानी मातेची मुरली अलंकार महापुजा बुधवारी (ता.२१) बांधण्यात आली. मातेच्या नवरात्रात सहाव्या माळेस मुरली अलंकार महापुजा बांधण्याची पारंपरिक पद्धत आहे. तुळजाभवानी माता मुरली घेऊन वाजविण्याचे रूप दाखविण्यात येते. तुळजाभवानी मातेच्या मूर्तीस बुधवारी सकाळी सात वाजता अभिषेक झाल्यानंतर पुजा बांधण्यात आली. तुळजाभवानी मातेच्या मस्तकी चंदनाचा लेप लावण्यात आला.

आमचे घर पाण्यात गेले हो, गोकुळबाईंनी मांडली देवेंद्र फडणवीस यांच्याकडे कैफियत

कपाळावर कुंकू लावण्यात आले. मूर्तीवर महावस्त्र परिधान केल्यानंतर दागदागिने घालण्यात आले. त्यानंतर पुजा बांधण्यात आली. यंदा कोरोनाच्या आजारामुळे पुजेच्या वेळेत अमुलाग्र बदल झालेले आहेत. सकाळी अकरा वाजता दरवर्षी पुजा बांधली जाते मात्र यंदा केवळ एकच अभिषेक असल्याने पुजा लवकर होत असल्याने अलंकार पुजा लवकर बांधण्यात येत आहे. तुळजाभवानी मातेच्या वेगवेगळ्या पुजा या राजेशाही पद्धतीने मांडल्या जातात. तसेच तुळजाभवानी मातेचे वैभव या पूजातुन दाखविले जाते.

कोरोनामुळे भाविक वंचितच
तुळजाभवानी मातेच्या विविध पुजा नवरात्रात बांधण्यास सुरूवात झालेली आहे. तथापि भाविक मात्र प्रत्यक्षात तुळजा भवानी मातेच्या पुजेचे दश॔न घेऊ शकत नाहीत.

संपादन - गणेश पिटेकर