जातेगाव (जि.बीड) : गेल्या एक महिन्यापासून रोजंदारी करण्यासाठी गेलेल्या दोन युवकाचा दुचाकीवरून परत येत असताना समोरून येणाऱ्या वाहनाने जोराची धडक दिली. यात गेवराई तालुक्यातील दोन युवकाचा दुर्दैवी मृत्यू झाल्याची घटना बुधवारी (ता.आठ) रात्री पाथरी-परभणी (Parbhani) रस्त्यावरील वडगाव फाटा येथे घडली. जीवन सुरेश नाडे (रा.ढालेगाव) व संतोष रामभाऊ वाघमोडे (रा.तपेनिमगाव, ता.गेवराई) असे अपघातात ठार झालेल्या युवकांची नावे आहेत. हे युवक गेल्या एक महिन्यापासून कंत्राटदार यांच्याकडे परभणी येथे रोजंदारीवर काम करत होते. बुधवार ते आपल्या गावाकडे दुचाकीवरून परत येत असताना पाथरी - परभणी रस्त्यावरील वडगाव फाट्याजवळ समोरून येणा-या वाहनाने जोराची धडक दिली. (Accident In Beed)

यात दुचाकीवरील जीवन नाडे व संतोष वाघमोडे या युवकांचा जागीच मृत्यू झाला. या झालेल्या दुर्दैवी घटनेने गेवराई तालुक्यातील ढालेगाव-तपेनिमगाव येथे हळहळ व्यक्त होत आहे. यातील संतोष वाघमोडे हा युवक विवाहित असून जीवन नाडे हा अविवाहित होता.