बीड : भाजपने मंगळवारी (ता. एक) घोषित केलेल्या यादीत बीड जिल्ह्यातील चौघांचा समावेश आहे. परळीतून ग्रामविकास मंत्री पंकजा मुंडे, आष्टीतून आमदार भीमराव धोंडे, गेवराईतून आमदार लक्ष्मण पवार तर माजलगावमधून रमेश आडसकर यांची उमेदवारी घोषीत झाली.
नमिता मुंदडा यांचे नावच नाही
युतीमध्ये बीड जिल्ह्यात पाच जागा भाजप तर बीडची जागा शिवसेनेच्या वाट्याची आहे. येथून मंत्री जयदत्त क्षीरसागर यांना उमेदवारी मिळाली आहे. भाजपच्या यादीकडे सर्वांच्या नजरा लागल्या होत्या. मंगळवारी यादी प्रसिद्ध परळीतून पंकजा मुंडे यांना उमेदवारी मिळाली. विद्यमान आमदार भीमराव धोंडे व लक्ष्मण पवार यांची उमेदवारी कायम राहीली. आष्टीतून सुरेश धस यांचा विरोध आणि स्पर्धक असतानाही उमेदवारी मिळविण्यात भीमराव धोंडे यांना यश मिळाले. तर, माजलगावमधून आमदार आर. टी. देशमुख यांच्या ऐवजी अंबा कारखान्याचे अध्यक्ष रमेश आडसकर यांना संधी मिळाली. केजमधून नमिता मुंदडा यांची उमेदवारी निश्चित मानली जात आहे. मात्र, या यादीत त्यांचे नाव नाही.
परळीत मुंडे विरुद्ध मुंडे
दरम्यान, राज्याच्या मंत्री पंकजा मुंडे यांना उमेदवारी जाहीर झाली आहे. दिवंगत नेते गोपीनाथ मुंडे यांचा हा पारंपरिक विधानसभा मतदारसंघ होता. तेथून आता पंकजा मुंडे निवडणूक लढवतात. त्यांच्या विरोधात त्यांचे चुलतबंधू धनंजय मुंडे निवडणूक लढवणार आहेत. धनंजय मुंडे सध्या विधानपरिषदेचे विरोधीपक्ष नेते आहेत. राष्ट्रवादी काँग्रेसचे अध्यक्ष शरद पवार यांनी गेल्या महिन्यात बीड दौऱ्यावर असताना धनंजय मुंडे यांची उमेदवारी जाहीर केली होती. त्यामुळे परळीत पुन्हा एकदा मुंडे विरुद्ध मुंडे असा सामना पहायला मिळणार आहे. यंदाच्या विधानसभा निवडणुकीत ही राज्यातील सर्वांत लक्षवेधी लढत असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.