माजलगाव (जि. बीड) : माजलगाव धरण कार्यक्षेत्रात शनिवारी ता. 4 रात्री झालेल्या जोरदार पावसामुळे मोठी पाण्याची आवक धरणात सुरू आहे. त्यामुळे धरणाची पाणीपातळी 83 टक्यांपर्यंत गेली असुन धरण कोणत्याही क्षणी शंभर टक्के भरणार असल्याने हे पुराचे पाणी सिंदफणा नदीपात्रातुन सोडण्यात येणार असल्याने प्रशासनाने नदीकाठच्या गावांना सतर्कतेचा इशारा दिला आहे.
धरण कार्यक्षेत्रात झालेल्या पावसामुळे धरणामध्ये साठ हजार आठशे विस क्युसेक प्रतिसेकंद एवढ्या वेगाने पाण्याची आवक सुरू आहे. सकाळी सात वाजता 70 टक्के असलेली पाणी पातळी अवघ्या काही तासांत 83 टक्के झाली आहे. धरणात येणा-या पाण्याची आवक सुरूच असुन हवामान खात्याने अतिवृष्टीचा इशारा दिलेला आहे. यामुळे धरणात शंभर टक्केपेक्षा अधिक पाणीसाठा झाल्यास अधिकचे येणारे पुराचे पाणी सिंदफणा नदीपात्रात कोणत्याही क्षणी सोडावे लागणार आहे. सिंदफणा व गोदावरी नदीकाठच्या गावांना सतर्क राहण्याच्या सुचना महसुल यंत्रणेने दिल्या आहेत.
धरण सद्यःपरिस्थिती
पाणी पातळी - 431.04 मिटर.
टक्केवारी - 83 टक्के.
पाण्याची आवक - 82 हजार 420 क्युसेक प्रतिसेकंद.
आज सोडणार पाणी
मागील आठ दिवसांपासून धरण कार्यक्षेत्रात दमदार पाउस पडत असल्याने चोवीस टक्यांवर असलेले धरण त्रेऐंशी टक्यांवर गेले आहे. पाण्याची मोठी आवक सुरू आहे. हीच आवक सुरू असल्यास आज संध्याकाळपर्यंत पाणी सोडावे लागणार आहे. सिंदफणा व गोदावरी नदीकाठच्या शेतक-यांनी, नागरिकांनी सतर्क रहावे, असे धरण अभियंता बी. आर. शेख यांनी सांगितले
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.