मुंबई : मुंबईत आज 1,304 बाधित रुग्णांची भर पडली असून कोरोना बाधित रुग्णांची संख्या 1,22,331 झाली आहे. तर आज 58 रुग्णांचा मृत्यू झाला असून मृतांचा आकडा 6,748 वर पोचला आहे. मुंबईत आज 1,454 रुग्ण बरे होऊन घरी गेले. रुग्ण बरे होण्याचा दर हा 78 टक्के इतका आहे.

... आणि यामुळे रियाची याचिका अर्थहीन; सुशांतच्या वडिलांचे सर्वोच्च न्यायालयात प्रतिज्ञापत्र

मुंबईत आज नोंद झालेल्या 58 मृत्यूंपैकी 41 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 37 पुरुष तर 21 महिलांचा समावेश होता. एकूण मृत झालेल्या 58 रुग्णांपैकी दोघांचे वय 40 वर्षा खालील होते. 43 रुग्णांचे वय 60 वर्षा वर होते तर 13 रुग्ण 40 ते 60 वर्षा दरम्यान होते.  कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्या ही वाढत आहे. आज 1,454 रुग्ण बरे झाले असून आज पर्यंत 95,354 रुग्णांना घरी सोडण्यात आले.              

मुंबईत रुग्ण दुपटीचा दर हा 89 दिवसांवर गेला आहे. तर 7 जुलै पर्यंत एकूूूण 5,92,230  कोविड चाचण्या करण्यात आल्या. तर  1 ऑगस्ट  ते 7 ऑगस्ट  दरम्यान कोविड रुग्णवाढीचा दर हा 0.78 इतका आहे. 

नकोसा झालेला शोभिवंत सकर फिश संपवतोय खाडीतली मासोळी! या घातक माशामुळे स्थानिक जलसंपत्ती नामशेष होण्याची भीती

मुंबईत 582 इमारती आणि झोपडपट्टया कंटेन्मेंट झोन म्हणून जाहीर करण्यात आले आहेत. तर सक्रिय सीलबंद इमारतींची संख्या 5,396 असून गेल्या 24 तासात बाधित रुग्णांच्या संपर्कात असलेले 3,939 अति जोखमीचे रुग्ण आहेत तर 4,196 रुग्ण कोविड केअर सेंटर 1 मध्ये उपचार घेत आहेत.
-----------------------------------------------------

( संपादन - तुषार सोनवणे )