मुंबईः  रेल्वे स्थानकावरील अपुऱ्या सुविधा आणि रोजची गर्दी यापासून वैतागलेल्या मुंबईकरासाठी एक खुशखबर आहे. मध्य आणि पश्चिम रेल्वेच्या 19 रेल्वे स्थानकांचा चेहरामोहरा पालटणार आहे. या स्टेशनच्या विकासासाठी  रेल्वे बोर्डाने 947 कोटी रुपये मंजूर केले आहे.  मध्य रेल्वेचे 11 तर पश्चिम रेल्वेचे 8 स्टेशनचा यामध्ये समावेश आहे. मुंबई रेल्वे विकास महामंडळाने विकासाचा आराखडाही तयार केला आहे.

कोविडमुळे सोशल डिस्टन्सिंग राखण्याचे आणि छोट्या रेल्वे स्टेशनवर गर्दी नियंत्रित करण्याचे मोठे आव्हान उभं ठाकले आहे. या पार्श्वभूमीवर मुंबईतील 19 उपनगरीय रेल्वे स्थानकाचा कायापालट करण्यास रेल्वे बोर्डाने मंजुरी दिली आहे. लॉकडाऊनच्या काळात या संबंधीचे प्रस्ताव पाठवण्यात आले होते.

अधिक वाचा-  मुंबई पालिकेविरोधात कंगनानं दाखल केलेल्या याचिकेवर शुक्रवारी निकाल

19 पैकी 14 स्टेशनचा बांधकाम आराखडाही मंजूर झाल्याची माहिती आहे. यातील काही स्टेशनची रचना संपूर्ण बदलण्यात येणार आहे.या स्टेशनमध्ये प्रामुख्याने  डोबिंवली ठाणे, गोवंडी, मानखुर्द, जोगेश्वरी, मीरा भाईंदर, मुंबई सेंट्रल या रेल्वे स्थानकांचा समावेश आहे. 

या स्टेशनचा कायापालट होणार

मध्य रेल्वे
भांडुप, मुलुंड, कसारा, जीटीबी  नगर, चेंबूर, गोवंडी, मानखुर्द, नेरळ, शहाड, ठाणे, डोबिंवली

पश्चिम रेल्वे
जोगेश्वरी, मीरा भाईंदर, कांदिवली, भाईंदर, मीरा रोड, वसई , मुंबई सेंट्रल, खार

----------------------------------

(संपादन- पूजा विचारे)

18 suburban railway stations Mumbai will be transformed