मुंबई : पालिका कस्तुरबा रुग्णालय परिसरात नवीन इमारत बांधण्याच्या तयारीत असून, त्या ठिकाणी तब्बल 220 अतिरिक्त बेड्‌सची सुविधा देण्यात येणार आहे. इतर संसर्गजन्य रुग्णांवर उपचारांसाठी या खाटा उपयुक्त ठरणार आहे. अशी माहिती पालिकेचे अतिरिक्त आयुक्त (आरोग्य) सुरेश काकाणी यांनी दिली. 

Night Curfew in Mumbai | संचारबंदीमुळे मुंबईतील टॅक्सी व्यवसाय पुन्हा अडचणीत

मध्य मुंबईत असलेल्या 125 खाटांच्या कस्तुरबा रुग्णालयात विस्तारीकरणासाठी पुरेशी जागा आहे. त्यामुळे लवकरच रुग्णालय इमारतीचा विस्तार केला जाईल. त्यात या खाटांची सुविधा दिली जाईल. कोरोनाच्या सुरुवातीपासून सर्व संशयित आणि कोरोना पॉझिटिव्ह रुग्णांना तपासणी आणि उपचारांसाठी कस्तुरबा रुग्णालयात पाठवण्यात येत होते. पालिकेच्या या रुग्णालयात कोविड चाचणीसाठीची पहिली प्रयोगशाळा होती. त्यानंतर शहरातील रूग्णांची संख्या वाढताच वरळीच्या नॅशनल स्पोर्टस क्‍लब ऑफ इंडियाच्या डोममध्ये एक जंबो सुविधा सुरू करण्यात आली. याशिवाय मरोळचे सेव्हन हिल्स रुग्णालय देशातील सर्वात मोठी कोविड सुविधा म्हणून विकसित केले गेले. त्यात जवळपास 1500 रुग्णांसाठी विशेष सुविधा करण्यात आली. 

जाहिरातीमध्ये मराठी भाषेचा वापर करा, मनसेचा आता पश्चिम रेल्वेला इशारा

कस्तुरबा रुग्णालय परिसरात नवीन इमारत बांधली जाणार आहे. त्या ठिकाणी 220 खाटांची अतिरिक्त सुविधा दिली जाईल. काही महिन्यांपूर्वी नव्या इमारतीसाठी प्रस्ताव केला होता. मात्र त्यानंतर जंबो कोव्हिड सुविधा सुरू केली गेली. मात्र आता नवीन इमारत उभारणीचा पुन्हा विचार केला जात आहे. इतर संसर्गजन्य आजारांसाठी या खाटा उपलब्ध करुन देण्यात येतील. 
- सुरेश काकाणी, अतिरिक्त आयुक्त (आरोग्य), मुंबई महापालिका. 

--------------------------------
(संपादन : गोरक्षनाथ ठाकरे)