मुंबई : मुंबईत वेगाने मेट्रोची कामं सुरु आहेत. अशात मुंबईत जमिनीखाली २० ते २५ मीटर खाली बोगदा (टनेल) बनवण्याचं काम सुरु आहे. हे बोगदे बनवण्याचं महाकाय मॉन्स्टर मशीन कायम जमिनीखाली असतं मात्र पहिल्यांदाच मुंबईच्या रस्त्यावरून हे अवाढव्य असं टनेल बोअरिंग मशीन (TBM) नेण्यात आलं. अगदी काही मिनिटांचा रस्ता पार करण्यासाठी या मशीनला तब्बल पाच तासांचा कालावधी लागलाय.

या मशीनची लांबी तब्बल १०० मीटर आणि वजन तब्बल ४८० टन आहे. मेट्रो तीनच्या कामाला गती देण्यासाठी मुंबईतील विविध भागांमद्ये १७ टीबीएम मशीनच्या मदतीने बोगदे बनण्याचं काम सुरु आहे. यामार्फत कुलाबा, वांद्रे आणि सिप्ज यादरम्यान ३३.५ किलोमीटरचा भूमिगत मार्ग बनवण्यात येणार आहे. एकूण अप आणि डाऊन  मार्गांवर तब्बल ५५ किलोमीटर लांब टनेल तयार करण्याचे काम सुरु आहे. आतापर्यंत बोगदे बनवण्याचं ८३ टक्के काम पूर्ण झालंय.

मोठी बातमी - लॉकडाऊन काळात खाण्याचे ट्रेंड बदलले; 'या' पदार्थांची मागणी घटली, तर 'यांची' वाढली..

मशीन असेम्बल करायला लागतात ४० दिवस : 

या मशीनचे शेकडो पार्ट्स आहेत. एकदा वेगळी केली की त्यांना असेम्बल म्हणजेच त्यांची व्यवस्थित जोडणी करायला करायला साधारणतः ३० ते ४० दिवस लागतात. एका बाजूने काम पूर्ण झालं की काम पूर्ण झालेल्या बाजूचे मशीनचे विविध भाग वेगवेगळे केले जातात. यामध्ये फ्रंट शिल्ड, मिडल शिल्ड, टेल शिल्ड, नट बोल्ट, कटर हेड, अशा काही भागांचा समावेश आहे. हे वेगळे केलेले भाग मशीनच्या दुसऱ्या टोकावर ठेवले जातात. मात्र या मशीनचे भाग न काढता हे संपूर्ण मशीन वरळीवरून नेहरू सायन्स सेंटरपर्यंत घेऊन जाण्यात आलं. 

मोठी बातमी - "व्यंकय्या नायडूंनी माफी मागावी, अन्यथा मुंबईत पाऊल ठेऊ देणार नाही"; शिवसेनेतील 'कुणी' दिलाय हा निर्वाणीचा इशारा...

अडीच किलोमीटर कापण्यास पाच तास 

१०० मीटर लांब आणि तब्बल ४८० टनांच्या या महाकाय मशीनला अडीच किलोमीटर अंतर कापायचं होतं. हे काम कोणत्याही अडथळ्याविना होण्यासाठी एक दिवस आधी एक मॉक ड्रिल देखील करण्यात आलं.यामध्ये रस्त्यात पार्क असलेल्या गाड्या हटवण्यात आल्यात. ट्राफिक पोलिसांच्या मदतीने ओव्हर हेड वायर्स आणि रस्त्यातील ट्राफिक सिग्नल देखील हटवण्यात आले.  

480 MT heavy TBM retrieved from Southend of Worli stn has been moved to ScienceMuseum