मुंबई : आज राज्यात 678 नवीन रुग्णांची नोंद झाली. त्यामुळे राज्यातील कोरोनारुग्णांची संख्या 12,974 झाली आहे. तसेच, आज 27 कोरोना रुग्णांचा मृत्यू झाला. त्यापैकी मुंबईत 21, पुण्यात 4 , भिवंडीत 1 आणि नवी मुंबईत एकाचा मृत्यू झाला आहे.
आज झालेल्या मृतांपैकी 16 पुरुष; तर 11 महिला आहेत. त्यात 60 वर्षे किंवा त्यावरील 14 रुग्ण आहेत; तर 10 रुग्ण हे 40 ते 59 वयोगटातील आहेत. 3 जण 40 वर्षांखालील आहे. 27 मृतांपैकी 13 जणांना मधुमेह, उच्च रक्तदाब, हृदयरोग, असे अतिजोखमीचे होते. आतापर्यंत राज्यात 548 जणांचा कोरोनामुळे मृत्यू झाला आहे.
राज्यात आतापर्यंत पाठविण्यात आलेल्या 1,70,139 नमुन्यांपैकी 1,56,078 जणांचे नमुने कोरोना निगेटिव्ह आले; तर 12,974 जण पॉझिटिव्ह आढळले आहेत. केंद्र सरकारच्या विश्लेषणानुसार सध्या राज्यात दर दहा लाख लोकसंख्येमागे चाचणीचे प्रमाण 1237 एवढे आहे. हेच प्रमाण देशपातळीवर 803 आहे.
राज्यातील ज्या भागात रुग्णांचे क्लस्टर सापडले त्या ठिकाणी केंद्र सरकारच्या मार्गदर्शनानुसार क्लस्टर कंटेनमेंट कृतियोजना राबविली जात आहे. राज्यात सध्या 997 कंटेनमेंट झोन क्रियाशील आहे. आज एकूण 11,078 सर्वेक्षण पथकांनी 51.05 लाख लोकसंख्येचे सर्वेक्षण केले.
नक्की वाचा : कोरोना योद्धांना भारतीय हवाई दलाकडून अनोखी मानवंदना
आतापर्यंत 155 रुग्ण बरे
आज राज्यात 115 रुग्ण बरे झाले. राज्यात आतापर्यंत 2115 रुग्ण कोरोनापासून पुर्ण बरे होऊन घरी परतले आहेत. सध्या राज्यात 1,81,382 लोक होम क्वारंटाईनमध्ये असून 13,158 लोक संस्थात्मक क्वारंटाईनमध्ये आहेत.
678 new patients in the state 27 killed; Total affected at 12,974
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.