मुंबई : सासू-सुनेतील भांडणे ही काही आपल्यासाठी नवी नाही. सासूने मालमत्ता आपल्या नावावर केली नाही, म्हणून सुनेने तिला जीवे मारले. मात्र मृत झालेली सासू ही भिकारी होती. मग तिच्याकडे किती मालमत्ता असणार आणि त्यासाठी तिच्या सुनने तिचा जीव घेतला. सासूच्या मालमत्तेबाबत तुम्हाला माहिती मिळाली तर तुम्हीही अचंबित व्हाल.
मालमत्तेच्या वादातून सून अंजना पाटील आणि सासू संजना पाटील यांचे नेहमीच वाद व्हायचे. अंजनाने सत्तर वर्षीय संजना पाटील या सासूला क्रिकेट बॅटने अनेकदा मारले. नुकत्याच झालेल्या वादातून तिला बांधूनही झोडपले. जखमी अवस्थेत संजनाबाईला लोकांनी उपचारासाठी राजावाडी रुग्णालयात आणले. तिचे काही वेळातच निधन झाले. सत्तर वर्षीय संजना पाटीलच्या मृत्यूची चौकशी करताना त्यांना सुनेने मारहाण केल्याचे समोर आले. टिळक नगर पोलिसांनी केलेल्या तपासातही अंजनानेच सासूला मारल्याचे सिद्ध झाले आणि तिला ताब्यात घेतले.
चेंबूर परिसरातील रहिवासी असलेल्या 70 वर्षीय संजनाबाईच्या पतीचे काही वर्षांपूर्वी निधन झाले होते. त्यांना मुलगा नव्हता. त्यामुळे त्यांनी पुतण्या दिनेशला दत्तक घेतले होते. संजनाबाईचे चेंबूरमध्ये दोन आणि वरळीत दोन फ्लॅट होते. त्यापैकी तीन फ्लॅट भाड्याने दिले होते, तर एका फ्लॅटमध्ये ती, दत्तक मुलगा दिनेश आणि त्याची पत्नी राहतात. भाड्याने दिलेल्या तीनही फ्लॅटचे पैसे सासू आपल्याकडे ठेवत असे. मात्र तरीसुद्धा संजनाबाई घाटकोपर येथील जैन मंदिरानजीक भीक मागत असे. सासूच्या मालमत्तेवरून सासू-सुनेत नेहमीच वाद व्हायचे.
दरम्यान, ज्यावेळी संजनाबाईला जखमी रुग्णालयात दाखल केले तेव्हा कुटुंबियांनी ती बाथरुममध्ये पडल्याचे सांगितले अवस्थेत आली. तिच्या शरीरावरील जखमा, गळ्यावर असलेले वळ होते. त्यामुळे डॉक्टरांना संशय आल्याने त्यांनी पोलिसांना कळवले. पोलिसांनी चौकशी सुरु केल्यावर सून अंजना तपासात पुरेसे सहकार्य करीत नव्हती. पण तिच्या मुलीने आपल्या आईचे आणि आजीचे सकाळी जोरदार भांडण झाले असल्याचे सांगितले. तेव्हा पोलिसांनी सुनेची चौकशी केली असता आपण मालमत्तेसाठी सासूला मारल्याचे कबूल केले.
---
(संपादन : ऋषिराज तायडे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.