Mumbai Sakal
मुंबई

ठाणे जिल्ह्यातील ग्रामीण भागात ८८ शाळा सुरु

जिल्ह्यात खासगी आणि जिल्हा परिषदेच्या मिळून ८८ शाळा सुरू करण्यात आल्या आहेत.

सकाळ वृत्तसेवा

ठाणे : ठाणे (Thane) जिल्ह्यातील कोरोनामुक्त (Corona) गावांत स्थानिक प्रशासन आणि पालकांच्या संमतीने शाळा (School) सुरू करण्यात येत आहेत. सद्यस्थितीत जिल्ह्यात खासगी आणि जिल्हा परिषदेच्या (Zilla Parishad) मिळून ८८ शाळा सुरू करण्यात आल्या आहेत.

राज्य शासनाने कोरोनामुक्त गावात आठवी ते बारावीचे वर्ग सुरू करण्याचे आदेश दिले होते. त्यानुसार, ठाणे जिल्ह्यातील कोरोनामुक्त गावांत शाळा सुरू करण्यासाठी जिल्हा प्रशासनाने सुरुवात केली आहे. सध्या ३९२ गावे करोनामुक्त आहेत. या गावातील स्थानिक प्रशासन तसेच पालकांच्या संमतीने टप्प्याटप्प्याने शाळा सुरू करण्यात येत असल्याची माहिती जिल्हा परिषद माध्यमिक शिक्षण विभागाने दिली.

जिल्ह्यातील ग्रामीण भागात खासगी आणि जिल्हा परिषद अशा सर्व व्यवस्थापनाच्या आठवी ते बारावी वर्गाच्या एकूण ३८५ शाळा आहेत. त्यातील ८८ शाळा सुरू झाल्या आहेत. पहिल्या टप्प्यात म्हणजेच १९ जुलैपासून १४ शाळा सुरू करण्यात आल्या होत्या; तर दुसऱ्या टप्प्यात २२ शाळा सुरू करण्यात आल्या होत्या. यात खासगी शाळांचे प्रमाण सर्वाधिक आहे; तर शहापूर तालुक्यातील सर्वाधिक म्हणजेच ५३ शाळांचा समावेश आहे. दरम्यान, कोरोनाची दुसरी लाट ओसरल्याने शाळा सुरू करण्याची मागणी जोर धरू लागली होती. राज्य शासनानेही अशा गावांमध्ये गावात आठवी ते बारावीचे वर्ग सुरू करण्याचे आदेश शिक्षण विभागाला दिले. त्यात संभाव्य तिसऱ्या लाटेचा धोका लक्षात घेत, शाळा सुरू करण्यासाठी शिक्षकांचे लसीकरण पूर्ण होणे गरजेचे असून जिल्ह्यात शिक्षकांच्या लसीकरणावर विशेष भर दिला जात आहे. यासाठी जिल्ह्यातील लसीकरण केंद्रांवर शिक्षकांना विशेष प्राधान्य दिले जात आहे.

जिल्ह्यात कोरोनामुक्त गावांची संख्या अधिक आहे. त्यानुसार, प्रत्येक गावातील सरपंच समिती आणि पालकांची संमती घेऊन टप्प्याटप्प्याने शाळा सुरू करण्यात येत असल्याची माहिती जि. प. शिक्षणाधिकारी शेषराव बडे यांनी दिली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Akwan Cyclone Live News : अक्वान चक्रीवादळाचा महाराष्ट्रावर कसा परिणाम होणार? ताशी १०० किमी वेग, चक्रीवादळ धुमाकूळ घालणार

IND vs NZ: ODI मालिका जिंकली, पण भारतीय संघाला ICC चा मोठा दणका! ठोठावला मोठा दंड, पण का?

Maharashtra Government: ओबीसी विद्यार्थ्यांसाठी मोठी घोषणा! शिष्यवृत्ती आणि वसतिगृहांसाठी ६,८४० कोटींच्या निधीची शिफारस, मंत्री बावनकुळेंनी घेतले महत्त्वाचे निर्णय

Zodiac Sign Benefits: ४०० वर्षांनंतर मंगळ, केतू आणि गुरुची युती! मेष ते कुंभ राशींपर्यंत कोणत्या राशींना मिळणार लाभ?

आजचे राशिभविष्य - 19 नोव्हेंबर 2026

SCROLL FOR NEXT