डोंबिवली : पत्नीवर भर रस्त्यात चाकूने हल्ला (knife attack on wife) केल्यानंतर स्वतःवरही गोळी झाडून आत्महत्येचा प्रयत्न (suicide attempt) करणाऱ्या सोमनाथ देवकर (culprit somnath devkar) याची प्रकृती आता स्थिर आहे. त्याच्यावर शस्त्रक्रिया करीत गोळी काढण्यात आली असून सध्या रुग्णालयात पुढील उपचार सुरु आहेत. बेेकायदा देशी बनावटीचे पिस्तुल जवळ बाळगल्याप्रकरणी (deshi revolver) तसेच आत्महत्येचा प्रयत्न केल्या प्रकरणी त्याच्यावर रामनगर पोलिस ठाण्यात दुसरा गुन्हाही दाखल करण्यात आला आहे.

डोंबिवली पूर्वेत राहणाऱ्या देवकर याने घरगुती वादातून पत्नीवर भर रस्त्यात चाकूने वार करत तिला गंभीर जखमी केले होते. त्यानंतर फरार असलेला सोमनाथ हा रविवारी सकाळी रहात्या घरी आला होता. त्याने स्वतःवर गोळी झाडत आत्महत्येचा प्रयत्न केला. पोलिसांना याची माहिती मिळताच त्याला उपचारासाठी खासगी रुग्णालयात दाखल करण्यात आले होते.

त्याच्यावर शस्त्रक्रीया करीत गोळी काढून टाकण्यात आली असून त्याची प्रकृती आता स्थिर असून, तो ठिक झाल्यानंतर त्याला ताब्यात घेण्यात येईल अशी माहिती रामनगर पोलिसांनी दिली. दरम्यान रामनगर पोलिस ठाण्याचे सहाय्यक पोलिस निरिक्षक गणेश जाधव यांच्या फिर्यादीवरुन सोमनाथ याच्यावर बेकायदा देशी बनावटीचे पिस्तुल जवळ बाळगल्याप्रकरणी तसेच आत्महत्येचा प्रयत्न केल्याप्रकरणी दुसरा गुन्हा दाखल करण्यात आला आहे.