File Photo 
मुंबई

ती व्यक्ती संशयित असल्याचे कळताच भीतीने डोंबिवलीकरांनी काही असे केले...

सकाळ वृत्तसेवा

ठाणे : डोंबिवली पूर्वेतील आयरे गाव परिसरात कोरोना बाधित रुग्ण आढळून आल्याने हा परिसर सील करण्यात आला आहे, असे असतानाही त्या परिसरातून एक महिला नातेवाईकांना भेटण्यासाठी पूर्वेतीलच आयरे रोड परिसरातील सोसायटीमध्ये गेली होती; परंतू तेथील नागरिकांना महिला आयरे गावातून आल्याचे समजताच त्यांनी तिला सोसायटीत प्रवेश नाकारला. तसेच ती गेल्यानंतर संपूर्ण सोसायटीही धुवून काढली.

डोंबिवलीतील राजाजी पथ, म्हात्रे नगर, न्यु आयरे रोड, विजय नगर, सहकार नगर, बालाजी गार्डन, कोपर स्टेशन झोपडपट्टी विभाग हे संवेदनशील परिसर सील करण्यात आले आहेत. परिसर सील केले असूनही काही नागरिक त्याचे उल्लंघन करत आहेत. बुधवारी आयरे गावातील महिला आयरे रोड परिसरातील सोसायटीमध्ये तिच्या नातेवाईकांना भेटण्यास गेली होती. आयरे गावात कोरोना बाधित रुग्ण सापडला आहे, तसेच विभागही सील करण्यात आला आहे.

याविषयीची माहिती सोसायटीतील नागरिकांना होती. त्यामुळे महिला आयरे गावातून आल्याचे त्यांना समजताच त्यांनी तिला सोसायटीच्या दारातच अडवले. तसेच संचारबंदी असतानाही तुम्ही का फिरत आहात? इतरांचा जीव का धोक्‍यात घालता? असा जाब विचारत त्यांनी महिलेला सोसायटीमध्ये प्रवेश नाकारून  पुन्हा घरी जाण्यास सांगितले. 

बाहेरील नागरिकांना प्रवेशबंदी
कोरोना विषाणूच्या वाढत्या प्रादुर्भावामुळे नागरिकांच्या मनात भीतीचे वातावरण आहे. कधी, कोठून, कसा तो विषाणू पसरेल, याची खात्री नसल्याने आपणच आपली खबरदारी घेतली पाहीजे. काही नागरिक त्यास अपवाद असून ते अजूनही घराबाहेर फिरत आहेत; परंतू आता आम्ही सोसायटीमध्ये इतर प्रभागातील कोणाला येवूच देणार नाही. सोसायटीमध्ये लहान मुले, ज्येष्ठ नागरिक जास्त आहेत. त्यामुळे आम्ही इतर बाहेरील नागरिकांना प्रवेश बंदी केली असल्याचे सोसायटीतील नागरिकांनी सांगितले.

Access denied to a woman from Dombivali affected area

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

T Raja Singh Resignation : ‘’आजच्याच दिवशी बरोबर ११ वर्षांपूर्वी मी...’’ ; भाजपने राजीनामा मंजूर करताच टी.राजा भावनिक!

Pune: सूपमध्ये झुरळ सापडले; पण तक्रारीकडे हॉटेल व्यवस्थापनाचे दुर्लक्ष, नंतर महिलेनं...; पुण्यातील खळबळजनक घटना

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

SCROLL FOR NEXT