अलिबाग : नवरात्रोत्सवाची रायगड जिल्ह्यात लगबग सुरू झाली आहे; मात्र हा उत्सव साजरा करताना कायदा व सुव्यवस्था बिघडू नये, हा सण आनंदात साजरा करता यावा यासाठी नियमावली करण्यात आली आहे. त्याचे उल्लंघन करणाऱ्यांवर कारवाई करण्यात येईल, असे पोलिस अधीक्षक अशोक दुध यांनी 'सकाळ'ला सांगितले.

मूर्ती आणि घटस्थापनेसाठी मंडप उभारण्याचे काम ठिकठिकाणी सुरू आहे. खासगी व सार्वजनिक मंडप उभारताना कोणतीही परवानगी घेतली जात नाही. या प्रकारामुळे अनेक वेळा वाद होऊन कायदा व सुव्यवस्था बिघडण्याची शक्यता असते. सरकारने जाहीर केलेल्या नियमांनुसार नवरात्रोत्सव साजरा करण्याचे आवाहन दुधे यांनी केले आहे.