उर्फी जावेद आणि तिचे अतरंगी कपडे हा कायमच वादाचा विषय ठरत आहे. आताही भाजपा नेत्या चित्रा वाघ यांनी संतप्त प्रतिक्रिया दिली आहे.

भाजपा नेत्या चित्रा वाघ यांनी उर्फी जावेदचा एक व्हिडीओ शेअर करत ट्वीट केलं आहे. आपल्या ट्वीटमध्ये चित्रा वाघ म्हणतात, "श्शीSSS...अरे हे काय चाललंय मुंबईत? रस्त्यांवर सार्वजनिक ठिकाणी उत्तानपणे नंगटपणा करणारी ही बाई हिला रोखायला मुंबई पोलिसांकडे IPC/CRPC आहेत की नाही? तात्काळ बेड्या ठोका हिला. एकीकडे निष्पाप महिला, मुली विकृतांच्या शिकार होतायत तर ही बया अजून विकृती पसरवतीये."

उर्फी जावेद कायमच तिच्या वेशभूषेमुळे चर्चेत असते. ब्लेड्स गुंफून तयार केलेला ड्रेस, स्वतःचे फोटो, तर कधी नुसतीच पाईप गुंडाळून ती ड्रेस बनवते. त्यामुळे कायमच तिची चर्चा होत असते. अनेकदा सोशल मीडियाच्या माध्यमातूनही तिच्यावर जोरदार टीका झाली आहे.