मुंबई: कोविडच्या लसीकरणाचा पहिला टप्पा सुरु झाला आहे. यात एक लाख 45 आरोग्य कर्मचाऱ्यांना डोस दिला जाणार आहे. यासाठी संबंधित व्यक्तीच्या फोनवर तीन वेळा संपर्क साधला जाणार असून तीन वेळा प्रतिसाद न दिल्यास डोस मिळणार नाही, अशी भूमिका महापालिकेने घेतली आहे.
कोविड लस मिळणाऱ्या व्यक्तीच्या मोबाईलवर तीन वेळा मेसेज पाठवला जाईल तसेच तीन वेळा संपर्कही केला जाईल. मात्र, तिन्ही वेळेस कोणताही प्रतिसाद न मिळाल्यास लस दिली जाणार नाही, असे पालिकेच्या एका अधिकाऱ्याने सांगितले. त्याचबरोबर मेसेजमध्ये कोणत्या केंद्रात किती वाजता पोहचायचे याचीही माहिती दिली जाणार आहे. त्या केंद्रातच ही लस घेणे बंधनकारक असल्याचे सांगण्यात आले. पहिला डोस घेतल्यानंतर 28 दिवसांनी दुसरा डोस दिला जाणार आहे. त्यासाठीही मेसेज पाठवला जाणार आहे, असेही सांगण्यात आले.
कोविड-19 विषाणू प्रतिबंधात्मक राज्यव्यापी लसीकरण मोहिमेचा शुभारंभ मुख्यमंत्री उद्धव ठाकरे यांच्या हस्ते शनिवार 16 जानेवारी सकाळी 11.30 वाजता मुंबईतील बृहन्मुंबई महानगरपालिकेच्या वांद्रे-कुर्ला संकुलातील कोविड सुविधा केंद्रामध्ये झाला. त्यानंतर, मुंबईतील इतर लसीकरण केंद्रात लसीकरणाला सुरुवात झाली. लसीकरणाच्या पहिल्या दिवशी हेल्थ केअर वर्कर्स आणि रुग्णालयातील कर्मचार्यांमध्ये उत्साहाचे वातावरणात पाहायला मिळाले. दरम्यान, बृहन्मुंबई महानगरपालिकेचे 9 आणि राज्य शासनाचे एक अशा एकूण 10 केंद्रांवर मिळून पहिल्या दिवशी 1 हजार 926 जणांना लस देण्यात आली होती.
-------------------------------
(संपादन- पूजा विचारे)
After the three times phone not respond will not get the dose bmc decision
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.