NCP Ajit Pawar News: राष्ट्रवादीकडून होणाऱ्या बॅनरबाजीची सध्या सातत्याने चर्चा होत आहे. काही दिवसांपूर्वीच जयंत पाटलांच्या बॅनरची चर्चा होती, तर आता आज अजित पवारांमुळे चर्चा होत आहे. कारण म्हणजे या पोस्टरवरचा विशेष उल्लेख.

या पोस्टर्सवरती जयंत पाटील आणि अजित पवार यांना दोघांनाही भावी मुख्यमंत्री असं संबोधलं आहे. जयंत पाटील यांच्या वाढदिवसानिमित्त मुंबईतल्या मलबार हिल भागात पोस्टर्स लागले होते. या पोस्टर्सवर जयंत पाटील यांचा उल्लेख 'भावी मुख्यमंत्री' असा करण्यात आला होता.

आता अजित पवारांना 'भावी मुख्यमंत्री' म्हटलं आहे. राष्ट्रवादी काँग्रेसच्या मुंबईतल्या कार्यालयाबाहेर हे पोस्टर्स लागले आहेत. यामध्ये भावी मुख्यमंत्री म्हणून अजित पवारांचा उल्लेख करण्यात आला आहे. "महाराष्ट्राचे भावी मुख्यमंत्री एकच दादा, एकच वादा अजित दादा", असा मजकूर या पोस्टरवर छापण्यात आला आहे.