अलिबाग : अलिबाग तालुक्यातील चौघांना शनिवारी (ता. 30) कोरोनाची लागण झाली आहे. यामध्ये अलिबागमधील सरकारी रूग्णालयातील दोन वार्डबॉय तसेच मानकुळे व नवगाव येथील दोघांचा समावेश आहे. त्यामुळे अलिबाग तालुक्यातील कोरोना रुग्णांचा आकडा 38 पर्यंत पोहचला आहे.

हे ही वाचा : नुसते गुन्हे दाखल करू नका, मी स्वतः आलोय, अटक करा...

सरकारी रुग्णालयात काम करणाऱ्या दोघांना खोकल्यासह श्वास घेण्यास त्रास होत होता. त्या दोघांची तपासणी केली असता दोघांना कोरोना झाल्याचे स्पष्ट झाले. तसेच मानकुळे येथील कोरोनाबाधित रुग्ण 28 वर्षाचा तरूण असून तो पनवेल येथून आला होता. त्याला खोकल्यासह श्वास घेण्यास त्रास झाला. तर नवगाव येथील 45 वर्षीय महिला ठाणे येथून आली होती. तिला कोरोनाची लक्षणे जाणवू लागल्याने अलिबागमध्ये उपचारासाठी दाखल केले होते. तिची स्वॅब तपासणी केली असता तिला कोरोना झाल्याचा अहवाल प्राप्त झाला.

मोठी बातमी : मुंबई पोलिस चांगलेच वैतागले, कारण पोलिसांवर आता या 'नव्या' कामाचा बोजा...

अलिबाग तालुक्यात आतापर्यंत 38 रुग्ण आढळून आले आहेत. त्यामध्ये दोघांचा मृत्यू झाला असून सातजण बरे झाले आहेत. सध्या 29 जणांवर उपचार सुरू असल्याचे तहसील कार्यालयाकडून सांगण्यात आले आहे.

in Alibag Including four new corona positive, 2 wardboys from the district hospital