गोरेगाव : महापालिकेच्या एस आणि टी प्रभाग समितीच्या निवडणुकीमध्ये फसवणूकीसह गैरव्यवहार झाला आहे, असा आरोप भाजप पालिका नेत्यांनी केला आहे. या प्रकरणी पोलिसात एफआयआर दाखल करण्यासाठी भाजप नेत्यांनी राज्यपालांकडे तक्रार केली आहे. तसेच राज्याच्या मुख्य सचिवांना गुन्हा दाखल करण्याचे निर्देश द्यावेत, अशी मागणीही पालिका भाजप नेत्यांनी राज्यपालांकडे केली आहे.
मुंबई भाजप प्रदेशाध्यक्ष मंगलप्रताप लोढा, पालिका गट नेते प्रभाकर शिंदे, नगरसेवक विनोद मिश्रा व अन्य भाजप पालिका पदाधिकाऱ्यांनी राज्यपाल भगतसिंह कोश्यारी यांची भेट घेऊन आपले म्हणणे त्यांच्यासमोर मांडले. शिंदे आणि मिश्रा यांच्या म्हणण्यानुसार भाजपच्या दहा नगरसेवकांनी प्रभाग समितीच्या निवडणुकीत तिन्ही टप्प्यात योग्य प्रकारे मतदान केल्याचे सांगितले. तसेच भाजप उमेदवार जागृती पाटील यांना दहा मते मिळाल्याची खातरजमा केली. तरी सुद्धा निवडणुकीचा निकल भाजप नऊ विरुध्द शिवसेना दहा असा घोषित करून महापौरांनी पालिका, प्रभाग समितीची फसवणूक केली, असा आरोप भाजप नेत्यांनी केली आहे.
न्यायालयात दाद मागणार
निवडणुकीतील सर्व मूळ कागदपत्रांचा ताबा पोलीस आयुक्त कार्यालयाने घ्यावा. अन्यथा या कागदपत्रात फेरफार केला जाण्याची शक्यता आहे. त्यावर स्पष्टता येण्यासाठी हस्ताक्षर तज्ञ यांचे सहकार्य घ्यावे लागेल. या आशयाचे पत्र राज्याचे निवडणूक आयुक्त यांनाही दिले आहे. न्यायालयातही याबाबत दाद मागणार आहोत आणि आझाद मैदान पोलीस ठाण्याअंतर्गत घरांना घडली असल्याने, त्या ठिकाणी एफआयआर नोंदविण्यासाठी अर्ज दिला आहे. या सर्व बाबी लक्षात घेऊन राज्यपालांनी मुख्य सचिवांना निर्देश द्यावेत, अशी विनंती भाजप शिष्टमंडळाने राज्यपालांकडे केली आहे.
--------------------------
(संपादन : गोरक्षनाथ ठाकरे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.