अंबरनाथ : कुटुंबियांसह रशियामध्ये (Russia) जाऊन परत अंबरनाथला (Ambarnath) आलेल्या एका सात वर्षीय मुलीला कोरोनाची बाधा (Child corona positive) झाल्याचा प्रकार उघडकीला आला आहे. अंबरनाथला राहणारी सात वर्षीय मुलगी (Seven year old girl) तिच्या आई, वडिलांसमवेत रशियामध्ये फिरण्यासाठी गेली होती. रशियात  फिरण्यास गेलेले कुटुंब 28 नोव्हेंबरलाच अंबरनाथला घरी परत आले. त्यानंतर मुलीला त्रास जाणवू लागल्याने तिची कोविड चाचणी (corona test) केली असता ती पॉझिटिव्ह आढळली.

तर मुलीच्या वडिलांची टेस्ट निगेटिव्ह आली असून तिच्या आईचा टेस्ट अहवाल येणे बाकी असल्याचे समजते. त्या मुलीची आई दोन दिवस ऑफिसमध्ये जाऊन आली आहे. याबाबत माहिती मिळताच मुलीचे नमुने ओमिक्रॉन तपासणीसाठी प्रयोगशाळेत पाठवण्यात येणार असल्याची आणि सध्या मुलगी आणि तिचे कुटुंबीय घरीच क्वारंटाईन करून ते रहात असलेली इमारत सील करण्यात येणार असल्याची माहिती नगरपालिकेचे अतिरिक्त मुख्याधिकारी डॉ. धिरज चव्हाण यांनी दिली.