मुंबई : मुंबईत कोरोना नियंत्रणात येईल अशी चिन्ह आहेत. अशात एका प्रायव्हेट पॅथॉलॉजि लॅबमध्ये सुरु असलेल्या अँटीबॉडी टेस्टिंगवरून असा खुलासा झालाय की, अनेक मुंबईकरांना कोरोना होऊन त्यातून ते बरे झाल्याचं समोर आलंय. ज्या नागरिकांना कोरोना होऊन गेलाय त्यांना स्वतःला कोरोना झाला होता याबद्दल माहिती नसल्याची बाब समोर येतेय. या लॅबने आपल्या रिपोर्टमध्ये नमूद केलंय की, काही लोकांमध्ये अँटीबॉडी तयार झाल्या आहेत. यावरून असं स्पष्ट होतं की त्या व्यक्ती कोरोना पॉझिटिव्ह झाल्या होत्या, मात्र त्यांना याबाबत माहिती नव्हती. 

बापरे ! "...नाहीतर तब्बल '५० लाख' कर्मचारी होतील बेरोजगार", वाचा कुणी व्यक्त केलीये 'ही' भीती

भाजप नेते आशिष शेलार यांनी याबाबत मुंबईचे महापालिका आयुक्त इकबाल सिंग चहल याना पत्र लिहून मुंबईत १ लाख अँटीबॉडी टेस्ट करण्याची विनंती केली आहे. यावरुन लॅबमधील रिपोर्ट बरोबर आहेत की नाही हे समजण्यास मदत होईल असं आशिष शेलार यांनी आपल्या पत्रात म्हटलंय. आशिष शेलार यांनी आपल्या पत्रात हेही म्हटलंय की,  प्रायव्हेट लॅबमध्ये अँटीबॉडी टेस्टिंग करण्यात आलेल्या एकूण लोकांपैकी वरळी भागातील ३२.१५ %, सांताक्रुज भागातील ३१.४५ टक्के, वांद्रे पश्चिम भागातील १७ टक्के लोकांमध्ये आधीच अँटीबॉडीज तयार झाल्या आहेत. म्हणजेच हे नागरिक कोरोना पॉझिटिव्ह होऊन बरे झाले आहेत आणि त्यांना याबाबत आता समजलंय. 

मोठी बातमी - पावसाळ्यानंतर हिवाळ्यातही तापच, गारवा कोरोनासाठी अत्यंत पोषक; संशोधकांचा दावा
    
एकदा मानवी शरीरात अँटीबॉडी तयार झाल्यात की पुन्हा कोरोना होण्याची शक्यता कमी असते. यामुळे आशिष शेलार यांनी मुंबई महानगरपालिका आयुक्त इकबाल सिंग चहल याना पत्र लिहून मुंबईतील १ लाख नागरिकांच्या अँटीबॉडी टेस्टिंग कराव्यात असं सूचित केलंय. यामध्ये महापालिका कर्मचारी, बेस्ट वर्कर्सचाही समावेश करावा असंही आशिष शेलार म्हणालेत. 

antibody testing results reviles that many citizens in mumbai have covid19 antibodies