मुंबई: महाराष्ट्र एटीएसने 1000 पानांचा तपास अहवाल चांदीवाल आयोगाला सुपूर्द केला आहे. अँटीलियासमोर स्फोटकं ठेवल्याप्रकरणी एटीएसने चौकशी केलीय. याशिवाय मनसुख हिरेन प्रकरणातही एटीएसने तपास केला आहे. एटीएसच्या तपास अहवालातून परमबीरचे 'परम-सत्य' बाहेर येईल, असे महाराष्ट्राचे माजी गृहमंत्री अनिल देशमुख यांनी आयोगासमोर सांगितले होते. या पार्श्वभूमीवर या अहवालात काय नमूद केलंय, याबाबत उत्सुकता आहे.

परमबिर सिंग हेच मास्टरमाईंड असल्याचा आरोप अनिल देशमुख यांनी केला होता. गेल्या काही दिवसांपासून चांदिवाल आयोगासमोर सुनावणी सुरु आहे. यातच अनिल देशमुख यांनी सांगितलं होतं की, एटीएसच्या तपास अहवालातून परमबीरचे 'परम-सत्य' बाहेर येईल.

या पार्श्वभूमीवर एटीएसने अँटिलिया प्रकरण आणि मनसुख हत्या प्रकरणाच्या तपासादरम्यान परमबीर सिंग यांच्याविरोधात बरेच पुरावे गोळा केले होते. देशमुख यांनी आयोगाला हे अहवाल रेकॉर्डवर घेण्याची विनंती केली होती, त्यानंतर आज एटीएसने 1000 पानांचा अहवाल आणि संबंधित कागदपत्रे आयोगाकडे सुपूर्द केली आहे.