पालघर - कोरोना विषाणू या जगात आला आणि त्याने अनेकांचे जीव तर घेतलेच पण सोबतच लागून आलेल्या लॉकडाऊनमुळे अनेक नकारात्मक गोष्टी देखील आल्यात. कोरोना संसर्ग वाढला आणि देशभरात लॉकडाऊन लागला. सगळं पूर्णपणे ठप्प झालं. याचा गंभीर परिणाम लोकांच्या आर्थिक परिस्थितीवर तर झालाच सोबतच अनेकांच्या मानसिक स्थितीवर देखील झालाय. विविध सर्व्हेक्षणातून लॉकडाऊन कसा आपल्या मानसिक स्थितीवर हल्ला करतोय हेही समोर आलं. हीच बाब आता पुन्हा एकदा, अधिक ठळकपणे अधोरेखित झालीये. पालघरमधील गंगाराम चौधरी नामक विना अनुदानित शाळेतील कला शिक्षकाने नैराश्यातून आत्महत्या केलीये. 

मोठी बातमी - तिचं आई होण्याचं स्वप्न राहिलं अधूरं...अन् 'ती' सापडली ढिगाऱ्याखाली

नैराश्याची परिसीमा गाठली आणि... 

पालघर जल्ह्यातील डहाणू तालुक्यातील ही हृदयद्रावक घटना आहे. धक्कादायक बाब म्हणजे निंबापूर महालपाडा भागातील ज्या कला शिक्षकाने आत्महत्या केलीये त्याने आधी स्वतःचं चित्र रेखाटलं होतं. स्वतःच्या चित्रावर त्यांनी हार देखील घातला. त्यावर आपल्या मृत्यूची तारीखही लिहिली आणि नंतर ठरलेल्या तारखेला गळफास घेतला. 

मोठी बातमी - आशिया खंडातील सर्वात मोठ्या झोपडपट्टीने दिली सर्वात मोठी गुड न्यूज, ऍक्टिव्ह रुग्णांचा आकडा झाला दोन अंकी...

कारण, न मिळालेला पगार आणि शिक्षकाची नोकरी ?

गळफास घेतलेल्या कला शिक्षकाचं पाच वर्षांपूर्वी लग्न झालेलं. विनाअनुदानित शाळेत ते शिकवत असत. गेल्या अनेक वर्षांपासून वेतन मिळत नव्हतं म्हणून बायको घर सोडून गेली. आधीच कोरोनामुळे आलेलं नैराश्य त्यात बायकोही सोडून गेल्याने गंगाराम चौधरी अधिकच नैराश्यात गेल्याची माहिती समजतेय. कला शिक्षक आणि त्यातही  चित्रकलेत पारंगत असल्याने त्यांनी ८ जून रोजीच स्वतःचं चित्र रेखाटलं. त्यावर १५.७.२०२० ही स्वतःच्या मृत्यूची तारीखही लिहिली.

मुंबईच्या बातम्या वाचण्यासाठी इथे क्लिक करा 

१५ तारखेला घरातील इतर सदस्य भात लावणीसाठी बाहेर गेल्याचा फायदा उचलत गंगाराम चौधरी यांनी गळफास घेत आत्महत्या केली. 

art teacher of palghar draws his own portrait and writes date of his last day and took extreme step