मुंबई : वाढलेल्या लॉकडाऊनचा फटका बेबी फूडला बसला आहे. लॉकडाऊनमुळे बाहेरगावी गेलेले कर्मचारी तेथेच अडकले आहेत; तर काही कर्मचारी कोरोनाच्या भीतीने कामावर येत नसल्याने बेबी फूड उत्पादन करणाऱ्या कंपन्यांचे उत्पादन घटले आहे. त्यामुळे बाजारात बेबी फूडचा मोठ्या प्रमाणात तुटवडा निर्माण झाला आहे.
बेबी फुडमध्येड्रायफ्रुट्स पावडर, प्रोटीन पावडर, मिल्क पावडर, सेरेलॅक्स अशा पदार्थांची विक्री कंपन्यांकडून केली जाते. अशा 4 ते 5 मोठ्या कंपन्या सध्या आहेत; मात्र लॉकडाऊनमुळे कंपन्यांमधील काही कर्मचारी गावी गेले आहेत. तर काही लांब राहत असल्याने येत नाहीत आणि काही भीतीनेही कामावर येत नाहीत. त्यामुळे बाजारात गरज असतानाही उत्पादन घटून तुटवडा निर्माण झाल्याचे ऑल फूड अँड ड्रग लायसन्स होल्डरचे अध्यक्ष अभय पांडे यांनी सांगितले.
दुकानांमध्ये बेबी फूड उपलब्ध नसून काही मोठ्या दुकानांमध्येच विक्रीसाठी आहे. पुढील काही दिवस बेबी फूडची उपलब्धता कमीच राहील असेही पांडे म्हणाले. बेबी फुडमध्ये 10 हुन अधिक प्रकार मिळतात; मात्र सध्या त्याचा तुटवडा आहे. कंपन्यांमधून मालाचा पुरवठा होत नाही.
कंपनीमध्ये बेबी फूड आणण्यासाठी सकाळी 10 वाजता गेल्यावर 2 वाजेपर्यंत लाईन मध्ये उभे राहावे लागते. त्यामध्ये हवा तो आणि हवा तितका माल उपलब्धही होत नाही. त्यामुळे अनेक अडचणी निर्माण झाल्या आहेत. या संदर्भात एफडीएला निवेदन केल्याचे अंधेरीतील स्टेट इंडिया फार्माचे हकीम कपासी यांनी सांगितले.
लहान बाळाला महिन्याला 3 ते 4 पॅकेट वेगवेगळ्या प्रकारचे बेबी फूड लागते. मार्केटमध्ये बेबी फूड आणायला गेले असता अनेक ठिकाणी बेबी फूड नव्हते. एका दुकानात होते; मात्र तिथे भली मोठी रांग लागली होती. रांगेत उभे राहून बेबी फूड घेण्याशिवाय पर्याय नव्हता, शेवटी तब्बल दीड तास रांगेत उभे राहून बेबी फूड घेतले.
- दिप्ती आंनद, गृहिणी, अंधेरी
Baby food shortages in Lockdown
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.