मुंबई, ता.16: नाताळसह नववर्षांच्या स्वागतासाठी 20 डिसेंबर पर्यंत नियमावली जाहीर केली जाण्याची शक्यता आहे. यंदा "लेट नाईट" पार्ट्यांवर निर्बंध येण्यांची शक्यता असून फटाके फोडण्यावरही बंदी येणार आहे.

महत्त्वाची बातमी : कोरोना चाचण्यांच्या दरामध्ये सहाव्यांदा कपात, आता 700 रुपयांत होणार चाचणी

नववर्षांच्या पाश्वभुमीवर महापालिकेने नियम डावलून पहाटेपर्यंत सुरु राहणाऱ्या हॉटेल्स आणि पबवर कारवाई करण्यास सुरुवात केली आहे. आतापर्यंत पाच हॉटेल्स पबवर कारवाई करण्यात आली आहे. त्यामुळे महापालिका सतर्क झाली आहे. त्यामुळे नाताळसह नववर्ष साजारा करण्यासाठी नियमावली जाहीर केली जाण्याची शक्यता आहे.

महत्त्वाची बातमी  : विधिमंडळाचे हिवाळी अधिवेशन : उद्धव ठाकरे यांच्या भाषणातील 45 महत्त्वाचे मुद्दे

महापालिका आयुक्त इक्बाल सिंह चहल यांनी बेजबादारपणे सुरु असलेल्या नाईट लाईफ बाबत राज्य सरकारला पत्र पाठवून रात्रीच्या वेळी संचारबंदी लागू करण्याची विनंती केली आहे. त्यावर 20 डिसेंबरपर्यंत परीस्थीतीचा आढावा घेऊन निर्णय घेऊ असे कळवले आहे. त्यामुळे 20 डिसेंबरपर्यंत नाताळासह नववर्षासाठी नियमावली जाहीर होण्याची शक्याता आहे. यंदा दिवाळीलाही फटाके फोडण्यावर बंदी आणण्यात आली होती. त्याच धर्तीवर नववर्षालाही फटाके फोडण्यावरही बंदी येण्याची शक्यता आहे.

मुंबई, नवी मुंबई, ठाणे , कल्याण डोंबिवली, मीरा भाईंदर, वसई विरारच्या बातम्या वाचण्यासाठी इथे क्लिक करा  ।  Marathi News From Mumbai

Ban on parties ban on fireworks BMC to issue code of conduct for thirty first celebrations