नालासोपारा : वसईत दीड वर्षांपूर्वी पतीने पहिल्या पत्नीच्या मदतीने दुसऱ्या पत्नीची घरात गळा दाबून हत्या केली होती. हत्येचा पुरावा नष्ट करण्यासाठी मृतदेह गोणीत भरून तो वसई परिसरातील सातीवली खिंड येथील झाडाझुडपांमध्ये फेकून आरोपी पती-पत्नी फरारी झाले होते. हत्येनंतर ६ महिन्यांनी जंगलात हत्या करून फेकलेल्या महिलेच्या हाडांचा सांगाडा आदिवासी महिलेला दिसला होता. यावरून वालीव पोलिस ठाण्यात गुन्हा दाखल झाला होता. सापडलेल्या हाडाच्या सांगाड्याची ओळखही पटत नव्हती; पण ठाणे गुन्हे प्रकटीकरण शाखेने चोरट्याला चोरीच्या गुन्ह्यात ताब्यात घेतले असता चौकशीदरम्यान आरोपीने पत्नीची हत्या करून मृतदेह वसई परिसरात फेकल्याचे कबूल केल्याने दीड वर्षांपूर्वी झालेल्या हत्येचा उलगडा झाला.
महाबुबुर रहमान शेख असे आरोपी पतीचे नाव असून त्याची पत्नी सीमा शेख (वय ३५) ही फरारी आहे. पॉली शेख (वय २१) असे हत्या झालेल्या दुसऱ्या पत्नीचे नाव आहे. महाबुबुर हा नालासोपारा पूर्व आचोळे गावातील साई पूजा अपार्टमेंटमध्ये दीड वर्षांपूर्वी राहत होता. तो मूळचा बांगलादेशचा असून नालासोपाऱ्यात मजुरीचे काम करत होता. जून २०१८ मध्ये त्याने बांगलादेशला जाऊन २१ वर्षांच्या पॉली शेख हिच्याशी विवाह करून तिला नालासोपाऱ्यात आणले. तो दोन्ही पत्नींसोबत राहत होता; पण दोन्ही पत्नींमध्ये वारंवार वाद होत होते. ऑक्‍टोबर २०१८ मध्येही असाच वाद सुरू होता.
रात्री शेख हा दारू पिऊन घरी आला असता दोन्ही पत्नीत वाद सुरूच होता, तेव्हा रागाच्या भरात पहिली पत्नी सीमा आणि पती या दोघांनी मिळून दुसरी पत्नी पॉली हिची गळा आवळून हत्या केली. त्यानंतर ओळखीचा असणारा शाका ऊर्फ राजू अमीन पिटमी या टेम्पोचालकाला बोलावून सामान शिफ्ट करण्याच्या बहाण्याने सामानासोबत मृतदेह गोणीत भरून त्याच रात्री १ वाजता काही भंगार सामान फेकून द्यायचे कारण सांगून मृतदेह सातीवली परिसरात झाडाझुडुपांमध्ये फेकला. त्यानंतर ते बांगलादेशला फरारी झाले होते.
मुंबई-अहमदाबाद महामार्गावर महिलेचा हाडांचा सांगाडा सापडला होता. त्या सांगाड्यावर कपडे होते, त्यावरून महिलेची हत्या झाल्यावरून गुन्हा दाखल करून तपास सुरू केला होता; पण ठाणे गुन्हे प्रकटीकरण शाखेच्या पथकाच्या चौकशीत आरोपीने कबुली दिल्याaने गुन्ह्याचा उलगडा झाला आहे. ३१ डिसेंबरला आरोपीला ताब्यात घेऊन बुधवारी (ता.१) त्याला वसई न्यायालयात हजर केले असता त्याला ६ दिवसांची पोलिस कोठडी मिळाली आहे.
विलास चौगुले, वरिष्ठ पोलिस निरीक्षक, वालीव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.