ठाणे  ः `मिशन बिगीन अगेन`अंतर्गत 5 ऑक्टोबरपासून शहरातील हॉटेल आण बार-रेस्टॉरंट सकाळी नऊ ते सांयकाळी सात पर्यंत सुरू करण्यात आली. परंतु, हॉटेल आणि बार असोसिएशनने केलेल्या मागणीनंतर आता ठाणे महापालिकेने 10 ऑक्टोबरपासून सकाळी सात ते रात्री साडेअकरापर्यंत बार आणि रेस्टाॅरंट सुरू ठेवण्याचा निर्णय घेतला आहे. परंतु हॉटस्पॉटमध्ये परवानगी नाकारण्यात आली आहे.

MPSC परीक्षा रद्द झाल्यांनतर मुख्यमंत्र्यांची OBC नेत्यांसोबत बैठक, तात्काळ बैठकीचं कारण अत्यंत महत्त्वाचं

शहरातील हॉटेल, बार, फूड कोर्ट आणि रेस्टॉरंट 5 ऑक्टोबरपासून सुरू झाले. परंतु, ठाण्यातील केवळ दहा टक्केच बारच सुरू झाले होते. हॉटेल आणि बारचा खरा व्यावसाय सायंकाळी सातनंतर सुरू होतो. त्यामुळे बार असोसिएशनने वेळेबाबत जाहीर नाराजी व्यक्त केली होती. त्यानंतर त्यांच्या शिष्टमंडळाने महापालिका आयुक्तांचीही भेट घेतली होती. त्यानंतर आता शनिवार (ता. 10)पासून हॉटेल व बार यांच्या वेळेत बदल करण्यात येत असल्याची माहिती महापालिकेने दिली आहे. महापालिकेने त्या संदर्भात नवा आदेशही काढला आहे. 

फेक टीआरपी प्रकरण! रिपब्लिक टीव्हीच्या सीएफओसह पाच जणांना पोलिसांचा समन्स

हॉटस्पॉटमधील बंधने कायम 
ठाण्यातील 18 हॉटस्पॉटमधील बंधने कायम ठेवण्यात आली आहेत. हॉटस्पॉटमधील हॉटेल, बार आणि रेस्टॉरंट सुरू होणार नसल्याचेही पालिकेने स्पष्ट केले. हॉटस्पॉटमध्ये हॉटेल वा बार सुरू असल्याचे आढळल्यास कायदेशीर कारवाई केली जाईल, असा इशाराही पालिकेने आदेशात दिला आहे.

------------------------------------------

( संपादन - तुषार सोनवणे )