मुंबई: केंद्राच्या कृषी कायद्याला विरोध करण्यासाठी मंगळवारी भारत बंदची हाक देण्यात आली होती. शेतकऱ्यांच्या या आंदोलनाला पाठिंबा देण्यासाठी राज्यातही कडकडीत बंद पुकारण्यात आल्याचं पाहायला मिळाले. अनेक बाजार समित्या आणि व्यवसाय, वाहतूक ठप्प असल्यामुळे मोठ्या प्रमाणात आर्थिक नुकसान झालं आहे. मिळालेल्या माहितीनुसार, भारत बंदचा फटका आता कांद्यालाही बसला आहे. यामुळे, वाशीच्या एपीएमसी या घाऊक मार्केटमध्ये पुन्हा एकदा चढ्या दराने कांदा विकला गेला. 

शेतकऱ्यांनी पुकारलेल्या भारत बंदमध्ये एपीएमसी मार्केट सहभागी झाले होते. नवी मुंबईतील एपीएमसी बाजारात कडकडीत बंद ठेवण्यात आले होते. एपीएमसी मधील पाचही बाजारपेठा पूर्ण बंद ठेवण्यात आल्या होत्या.

महत्त्वाची बातमी-  बेस्टचं विलीन मुंबई महापालिकेत होणार? पाठपुरावा करण्याचे राज्य सरकारला निर्देश

आधी एकाच वेळेस कांद्याच्या 150 गाड्यांची आवक झाली होती. लॉकडाऊननंतर पहिलीच सर्वात मोठी ही आवक ठरली. दोन दिवसांपूर्वी 20 ते 22 रुपये किलोने विकले जाणारे कांदे आता तेच बुधवारी 25 रुपये किलोने विकले केले गेले. भारत बंदीचा फटका याला बसला असून पण एकदाच आवक झाल्याने आता गेल्या काही दिवसांपासून शेतकऱ्यांनी माल बाजारात आणला नव्हता. याचा ही फटका दरवाढीला बसला आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

बुधवारी एपएमसी मार्केटमध्ये 70 गाड्यांची आवक झाली. हा कांदा 25 रुपये किलोने घाऊक बाजारात विकला गेला. नाशिक, पुणे आणि अहमदनगर येथून किमान 75 गाड्यांची आवक झाली होती. बुधवारी संपूर्ण देशामध्ये आवक घटली असून गुरुवारपर्यंत अजून कांद्याचे आणखी किती भाव वाढेल हे स्पष्ट होईल. दोन दिवसांत आवक वाढली तर बाजारात कांद्याच्या भावाला तेजी येणार नाही असे एपीएमसी कांदा- बटाटा अडद व्यापारी संघटना अध्यक्ष राजेंद्र शेळके यांनी सांगितले आहे.

भाज्यांचे दरही वाढले

मंगळवारी पुकारलेल्या बंदमुळे भाज्यांचे दर 10 टक्क्यांनी वाढले आहेत. भारत बंदला पाठिंबा देण्यासाठी मुंबई, नवी मुंबईसह राज्यातील महत्त्वाच्या अनेक बाजार समित्या बंद होत्या. यामुळे बुधवारी भाज्यांचेही दर कडाडले होते. मात्र, ते ही खाली उतरतील अशी माहिती एपीएमसी घाऊक भाजीपाला व्यापारी महासंघ अध्यक्ष कैलाश ताजणे यांनी दिली आहे.

-----------------------------

(संपादन- पूजा विचारे)

Bharat Bandh effect Onion prices hike vashi apmc