मुंबईः  वीजबील माफीसाठी भिवंडी शहरातील टोरेंट पावर ग्राहक सेवा केंद्र कार्यालयाची मनसे कार्यकर्त्यांनी तोडफोड केली होती. या प्रकरणी पोलिसांनी कारवाई करत पोलिसांनी ७ मनसे कार्यकर्त्यांना अटक करण्यात आली आहे.

वीजबील माफीसाठी भिवंडी शहरातील अंजूरफाटा ओसवाल वाडी आणि आमपाडा चाविंद्रा रोड येथील टोरेंट पावर ग्राहक सेवा केंद्र कार्यालयात मनसेच्या कार्यकर्त्यांनी आणि पदाधिकाऱ्यांनी तोडफोड केली होती. या तोडफोडीविरोधात नारपोली आणि शांतीनगर पोलिस ठाण्यात महाराष्ट्र नवनिर्माण सेनेचे पदाधिकारी आणि कार्यकर्त्यांवर टोरंट पावर कंपनीच्यावतीने तक्रार देत गुन्हा दाखल करण्यात आला होता. त्यामुळे नारपोली पोलिसांनी कारवाई करत सहा तर  शांतीनगर पोलिसांनी एक अशा एकूण 7 मनसे कार्यकर्त्यांना आज अटक केली आहे.

अरुण गव्हाणे, लखन पाटील, वैजनाथ पवार, समाधान गव्हाणे, ओमकार लवांडे, सचिन कांबळे नारपोली तर दत्ता रमेश टोले यास शांतीनगर पोलिसांनी अटक केली आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

भिवंडी शहर परिसरात वीज पुरवठा आणि वीज बिलाची वसूली करणाऱ्या टोंरेट पावर कंपनीने लॉकडाऊन काळामध्ये नागरिकांना जादा दराने वीज बील आली आहेत. अशी तक्रार करून विज बिलात माफी द्यावी अशा घोषणा मनसेकडून देण्यात आल्या होत्या.  

हेही वाचा- मुंबईतल्या जे. जे. रुग्णालयातील डॉक्टरांची कौतुकास्पद कामगिरी

7 जानेवारीला दुपारी महाराष्ट्र नवनिर्माण सेनेच्या कार्यकर्त्यांनी  शहरातील अंजूर फाटा ओसवाल वाडी आणि आमपाडा चाविंद्रा रोड येथील टोरेंट पॉवर कंपनीच्या ग्राहक सेवा केंद्र कार्यालयाच्या दरवाजाची काच आणि पार्टिशन फोडून लाखो रुपयांचे नुकसान केले होते. त्यामुळे नारपोली आणि शांतीनगर पोलिस ठाण्यात मनसे अध्यक्षासह पदाधिकारी आणि कार्यकर्त्यांवर गुन्हा दाखल करण्यात आला होता.

-------------------------------

(संपादन- पूजा विचारे)

Bhiwandi Seven MNS workers arrested for vandalizing torrent office