मुंबई: महाराष्ट्रात सध्या सचिन वाझे प्रकरण गाजतंय. सचिन वाझे NIAच्या ताब्यात आहे. त्याने बुधवारी NIAला एक पत्र दिलं. त्यात शिवसेनेचे मंत्री अनिल परब यांनी त्याला पालिकेच्या कंत्राटदारांकडून खंडणी वसूल करण्याचे आदेश दिल्याचे नमूद केले आहे. अनिल परब यांनी कालच संध्याकाळी पत्रकार परिषद घेत आपल्यावर केलेल आरोप फेटाळले. तसेच, भाजपचे लोक तिसऱ्या मंत्र्यांचा राजीनामा घेणार म्हणत होते म्हणूनच हे बदनामीचे षडयंत्र सुरू असल्याचा आरोप परब यांनी केला. याच मुद्द्यावर बोलताना, '१५ दिवसांत महाविकास आघाडीच्या आणखी दोन मंत्र्यांचे राजीनामे घेतले जातील', असा खळबळजनक दावा भाजपचे प्रदेशाध्यक्ष चंद्रकांत पाटील यांनी केला. ते मुंबईत बोलत होते.

"आरारा... काय वेळ आलीय, त्यांना कोणी तरी सांगा..."

"सचिन वाझेने अनिल परब यांच्यावर आरोप केलेत. या आरोपानंतर त्यांनी नैतिक जबाबदारी स्वीकारून तत्काळ राजीनामा द्यावा आणि चौकशीला सामोर जावं", असं चंद्रकांत पाटील म्हणाले. "राज्यातील सध्याच्या परिस्थितीवर मुख्यमंत्री मौन आहेत. ते पत्रांना उत्तर देत नाही. फोन उचलत नाहीत. अनिल परब गृहखात्यात ढवळाढवळ करतात अशी तक्रार स्वत: अनिल देशमुख यांनी शरद पवार यांच्याकडे केली असल्याचं समजतंय. सचिन वाझेने परब यांच्यावर केलेले आरोप गंभीर स्वरूपाचे आहेत. त्यामुळे मी असं म्हणू शकतो की मी वर्तवलेला अंदाज खरा ठरला. आता पुन्हा एकदा सांगतो की येत्या १५ दिवसात २ मंत्र्यांचे राजीनामे होणार आहेत", असा दावा त्यांनी केला.

वाझेंच्या पत्रावर संजय राऊत यांची प्रतिक्रिया; विरोधकांवर साधला निशाणा

अनिल परबांवर 'मोक्का' लावा!

"सुरुवातीला सचिन वाझेसाठी सभागृहाचे कामकाज या सरकारने संपूर्ण दिवसभरासाठी बंद ठेवलं. ज्या वाझेवर तुमचं एवढं प्रेम होतं, तेच आता तुम्हाला नकोशे वाटत आहेत. परब यांच्यावर झालेले आरोप गंभीर असल्याने या संघंटित गुन्हेगारीसाठी परब यांना मोक्का लावण्यात यावा. सर्वसामान्य नागरिकांवर मोक्का अंतर्गत कारवाई केली जाते. तशीच कारवाई परबांवर करण्यात यावी", अशी मागणीही त्यांनी केली.