Palghar: ऐन विधानसभा निवडणुकीच्या तोंडावर महायुती मध्ये वादाची ठिणगी पडली आहे. शिवसेना नेते रामदास कदम यांनी पालघर आणि कोकण विभागाचे भाजप नेते तथा सार्वजनिक बांधकाम मंत्री रविंद्र चव्हाण यांच्या विषयी बेताल वक्तव्य केल्याने पालघर जिल्ह्यातील भाजप चे पदाधिकारी आणि कार्यकर्ते आक्रमक झाले आहेत.

मोखाडा तालुक्यात भाजप पदाधिकारी आणि कार्यकर्त्यांनी रामदास कदमांचा प्रतिकात्मक पुतळा जाळला आहे. तसेच त्यांच्या फोटो ला जोडे मारून निषेध व्यक्त केला आहे. 

 सार्वजनिक बांधकाम मंत्री तथा पालघर जिल्ह्याचे पालकमंत्री रवींद्र चव्हाण यांच्या विषयी  शिवसेना शिंदे गटाचे नेते रामदास कदमांनी बेताल वक्तव्य केले होते.  त्याचे पडसाद मोखाड्यात ऊमटले आहे. रामदास कदमांचा भाजपा मोखाडा तालुक्याचे अध्यक्ष.संतोष चोथे यांच्या नेतृत्त्वात मोखाडा चौफुली येथे जाहीर निषेध आंदोलन करण्यात आले.

या वेळी रामदास कदम यांच्या प्रतीकात्मक पुतळ्याचे दहन करण्यात आले. तसेच त्यांच्या फोटो ला जोडे मारून त्यांच्या विरोधात घोषणाबाजी करून भाजपा पदाधिकार्यांनी आपला रोष व्यक्त केला आहे.

  यावेळी मोखाडा तालुका अध्यक्ष संतोष चोथे, भाजपा जिल्हा सचिव विठ्ठल पाटील, भाजपा भटक्या विमुक्त आघाडी प्रदेश उपाध्यक्ष दीपक पाटील, दिलीप गाटे, उमेश येलमामे, नामदेव पाटील, अलका बुधर, प्रतीक पाघारे, दिशांत पाटील, जनार्दन गभाले, शुभम डींगोर, मिलिंद काळे, नरेंद्र चौधरी, किशोर भवारी, भूषण फाळके, हर्षल बात्रे, राजू माळी, हरी जाधव, जयपाल पाटील, धर्मा लाहारे, भास्कर चौधरी, नितेश गोंदके व इतर कार्यकर्ते व पदाधिकारी उपस्थित होते.