मुंबई: कोरोना व्हायरसची (corona virus) दुसरी लाट आल्यापासून लसीकरणाबद्दल मोठ्या प्रमाणावर जागरुकता निर्माण झाली आहे. मुंबईत नागरिक मोठ्या संख्येने लसीकरण केंद्रांवर (vaccination drive) येत आहेत. पण लसीच्या कमतरतेमुळे डोस घेतल्याशिवयाच त्यांना माघारी परतावे लागतेय. लसीकरण केंद्रांबाहेर नागरिकांच्या मोठ मोठ्या रांगा लागल्याचे चित्र दिसते. (Bjp slam shivsena over corona vaccination drive in mumbai)

काही लसीकरण केंद्रांवर गोंधळ उडाल्याच्याही बातम्या आल्या आहेत. कोव्हॅक्सिनच्या ५.५० लाख डोसची आवश्यकता असताना, फक्त ३६ हजार डोस राज्य सरकारला मिळाले आहेत. राज्य सरकार यासाठी केंद्र सरकारला जबाबदार ठरवत आहे. लसीकरणावरुन नागरिकांना जे अनुभव येत आहेत, त्यावरुन मुंबई भाजपाने एक व्हिडीओ टि्वट करुन महापालिकेत सत्ता असलेल्या शिवसेनेला टोला लगावला आहे.

या गमतीशीर व्हिडिओमधुन लसीकरणाचा उडालेला बोजवारा दाखवण्यात आला आहे. लसीकरणासाठी नागरिकांच्या लांबच लांब लागलेल्या रांगा व्हिडिओमध्ये दिसतात. 'कनफ्युजन ही कनफ्युजन हैं सोल्युशन का पत्ता नाही' या थ्री इडियटमधल्या गाण्याच्या ओळी या व्हिडीओमध्ये आहेत.