मुंबई : महापालिकेने बुधवारी मुंबईतील मंडया सुरू करण्यास सशर्त परवानगी दिली. रस्त्यांवरील दुकानांप्रमाणे मंडयांमधील दुकाने एक दिवसाआड सुरू करण्यात येतील; मात्र उपाहारगृहे आणि कॅंटीन बंदच राहतील. मंडईतील दुकानदारांना वस्तूंची अदलाबदल अथवा वस्तू परत घेता येणार नाहीत. रविवारी सर्व मंडया बंद ठेवण्यात येतील. ज्येष्ठ नागरिकांची कामगार म्हणून नियुक्ती करता येणार नाही, अशा अटी महापालिकेने घातल्या आहेत.
महापालिकेच्या बाजार विभागाच्‍या अखत्‍यारीत 92 किरकोळ मंडया, 16 खासगी मंडया व समायोजन आरक्षणांतर्गत 95 मंडया अशा एकूण203 मंडया आहेत. यातील काही मंडया प्रतिबंधित क्षेत्रात आहेत. प्रतिबंधित क्षेत्रातील मंडयांबाबत स्थानिक पातळीवर प्रभाग कार्यालयामार्फत निर्णय घेण्याचे निर्देश आयुक्त इक्बालसिंग चहल यांनी दिले.
मुंबईतील दुकाने सुरू करण्यासाठी महापालिकेने सशर्त परवानगी दिली आहे. त्याचप्रमाणे मंडयांमधील दुकाने सुरू करण्याची परवानगी मागितली जात होती. त्यानुसार महापालिकेने हा निर्णय घेतला आहे. लॉकडाऊनच्या काळात मंडयांमधील जीवनाश्यक वस्तूंची दुकानेे सुरू होती. आता मंडयांमधील सर्व प्रकारची दुकाने सुरू राहणार आहेत.
महाराष्ट्राचे मुख्य सचिव म्हणून संजय कुमार यांची नियुक्ती...
मंडयांतील दुकाने सुरू करताना मास्क, हॅंडग्लोव्हज, सॅनिटायझर यांची व्यवस्था करणे, प्रत्येक व्यक्तीचे शारीरिक तापमान तपासणे, सुरक्षित अंतर राखणे अशा सर्व मार्गदर्शक तत्त्वांचे पालन केले जाईल. मंडईतील गर्दी नियंत्रणात आणण्यासाठी आवश्यकता भासल्यास तात्पुरते खासगी सुरक्षा रक्षक नेमून प्रशासनाला सहकार्य करण्यात येईल, असे संबंधित संघटनांनी मान्य केले आहे. त्यानुसार ही परवानगी देण्यात आल्याचे महापालिकेकडून सांगण्यात आले.
...तर दुकानदारांवर कारवाई
सुरक्षित अंतर राखण्याच्या नियमाचे पालन होत नसल्याचे आढळल्यास मंडईतील संबंधित दुकान तत्काळ बंद करण्यात येईल. संबंधित अनुज्ञापत्र धारकावर नियमानुसार कारवाई करण्यात येईल, असे महापालिकेने स्पष्ट केले आहे.
हे नियम बंधनकारक
- रविवारी मंडया बंद; दोन्ही बाजूंची दुकाने सम-विषम तारखांना सुरू.
- एका रांगेतील मंडईत आळीपाळीने दुकाने सुरू.
- मंडई, परिसरात थुंकण्यास व अस्वच्छता करण्यास मनाई; दोषींवर नियमानुसार कारवाई.
- मंडईत दुकानदारांना ग्राहकांकडून वस्तूंची अदलाबदल करण्यास अथवा वस्तू परत घेण्यास मनाई.
- दुकानात फक्त दोन कामगारांना मुभा; ज्येष्ठ नागरिक व आजारी व्यक्तीला नेमण्यास मनाई.
- प्रत्येक दुकानदाराने भ्रमणध्वनीमध्ये आरोग्य सेतू ॲप डाऊनलोड करणे आवश्यक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.