मुंबई : कोरोनामुळे संपूर्ण देशात लॉकडाऊन सुरु आहे. त्यामुळे बहुतांश लोकं वर्क फ्रॉम होम करतायत. वर्क फ्रॉम करत असताना सगळ्यात जास्त गरज असते ती इंटरनेटची. मात्र लॉकडाऊमध्ये इंटरनेट यूजर्स अचानक वाढल्यामुळे लोकांना स्पीड कमी मिळत आहे. मात्र आता BSNL नं आपल्या ग्राहकांना एक स्पेशल गिफ्ट देण्याचं ठरवलं आहे.

सरकारी टेलिकॉम कंपनी BSNLनं गेल्या महिन्यात लॉकडाउनमुळे ब्रॉडबँड युजर्ससाठी आणलेली आपली ‘वर्क फ्रॉम होम’ ही ऑफर १९ मेपर्यंत वाढवण्याचा निर्णय घेतला आहे. या प्लॅनमध्ये युजर्सना दररोज १० MBPS च्या स्पीडनं  तब्बल ५ GB डेटा मिळत असतो. महत्वाची गोष्ट म्हणजे हा प्लॅन पूर्णतः फ्री असणार आहे.

Big Breaking - 'लीलावती'मधील प्लाझ्मा थेरपी यशस्वी, राजेश टोपे यांची माहिती

काय आहेत या प्लॅनची वैशिष्ट्यं:

• हा प्लॅन पूर्णतः मोफत असणार आहे.
• झीरो कॉस्टवर मिळणाऱ्या या Work@Home प्लॅनसाठी मंथली डिपॉझिट देण्याची गरज नसणार आहे.
• यासाठी इंस्टॉलेशन चार्ज देण्याचीही गरज नसणार आहे.
• आधीपासून BSNL ब्रॉडबँडचे जे यूजर्स आहेत त्यांनाच ही ऑफर लागू असणार आहे.
• १८००-३४५-१५०४ या नंबरवर फोन करून यूजर्स या स्पेशल ऑफरचा लाभ घेऊ शकणार आहेत.
• या प्लॅनमध्ये दररोज १० MBPS च्या स्पीडनं 5 GB डेटा मिळणार आहे.
• डेटा मर्यादा संपल्यानंतर ही स्पीड १ Mbps वर येणार आहे.
• विशेष म्हणजे ५ GB डेटाची मर्यादा संपल्यानंतरही कंपनीनं FUP मर्यादा ठेवली नाहीये.
• व्हॉइस कॉलिंगची कोणतीही नवीन सुविधा या प्लॅनमध्ये नसणार आहे.
• कॉलिंगसाठी अ‍ॅक्टिव्ह प्लॅनच वापरावा लागणार आहे.  
• हा प्लॅन फक्त इंटरनेट डेटा बेनिफिटसाठी आहे.
• BSNL च्या या प्लॅनचा फायदा लँडलाईन ब्रॉडबँड कनेक्शन असलेल्यांनाच मिळू शकणार आहे.

हतबलता ! "यहा भुखे मरने से गाव के मिट्टी में जा के मरेंगे, हमे जाने दो..."

लॉकडाऊनमध्ये लोकांना वर्क फ्रॉम होम करण्यासाठी इंटरनेटची उत्तम सुविधा प्राप्त व्हावी म्हणून BSNL नं ही स्पेशल ऑफर आपल्या ग्राहकांसाठी आणली आहे.

BSNL to give 5 gb per day data for free read how to apply to avail this offer