नागोठणे : मुंबई-गोवा राष्ट्रीय महामार्गावर अपघाताची मालिका सुरूच असून नागोठण्याजवळील कोलेटी गावाच्या हद्दीत बर्निंग कारचा थरार पाहायला मिळाला.
कारमधील चारही प्रवासी तत्काळ कारबाहेर निघाल्याने जीवितहानी टळली. हा अपघात मंगळवारी सायंकाळी सहा वाजण्याच्या सुमारास घडला.
मोठी बातमी : १० रुपयांच्या थाळीला आधारसक्ती
मुंबई-गोवा महामार्गावर चिपळूणहून मुंबईला जाणारी टोयोटा कार कोलेटी गावानजीक कारली फाटा हद्दीत आली असता इंजिन गरम होऊन त्यामधून अचानकपणे धूर येऊ लागला. त्यामुळे चालकाने कार थांबविली. आणि प्रवाशांना बाहेर काढले. त्यानंतर थोड्याच वेळात संपूर्ण कारने पेट घेतला.
वाहनमालक मसूद अहमद सिद्दीकी (रा. मुंबई), तसेच इतर प्रवासी सुखरूपपणे बाहेर पडले. आग विझविण्यासाठी वडखळ पोलिस ठाण्याकडून जेएसडब्लू कंपनीच्या अग्निशमन दलाला बोलावण्यात आले होते. महामार्गावर याच हद्दीत दोन दिवसांपूर्वी कार व एसटी बसचा अपघात होऊन चार जण ठार झाल्याची घटना घडली होती. या घटनेचा पुढील तपास वडखळ पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.